القلم
04-07-2004, 01:15
ترلن .. ترلن .. ترلن ترلن
قويطع يُحدثُ نفسه :
ولك ماراح أجاوب لو مصارينك تتقطع !!!
ولك أنتا من هو ، لو إلي تكون ؟
أنا الحين داش بالدوشيش والدوبيش مع ( الوسيم ) في الماسنجر .. لمن أخلص وأطيحه أرد على المكالمات الفائته .. ولك أنطر .
لا .. يمكن هذه مكالمة مهمة ..
خلني أروح أشوف من هو المتصل ( طبعاً صاحبنا قويطع لايزال يحدث نفسه )
أوووه .. هذا خوينا ( كويظم ) ..
خلني أرد عليه بسرعة ولا شفكني منه ، وأقول له أنا كنت في الحمّام ( الله يعز من يقرأ ) ، لأنه هو كبل يقول أنا في الحمّام ..
ترلن .. ترلن .. ترلن ترلن
يرفع كويظم الهاتف ويشوف رقم كويطع ويحدث نفسه :
هل أرد على هذا السخيف ولا لا .. توه هو لبسني ما رد علي ، أكيد هو بيقول هو كان في الحمّام ..
بس خلني أرد عليه ، وأصير أحسن من هلحلجمه !!
آلو .. نعم
هلا بالقاطع قويطع ..
ولك أنتا وينك مالك شوفه ؟
ولك وين طايح أنتا ، أكيد طايح بربيّع !!!
فرد عليه قوطع :
هلا بالوردة كويظم !!
ولك .. والله أنا كله هالفترة طايح في بيتنا ..
مو معقوله ؟ يرد كويظم
ولك شتسوي في بيتكم ؟
ولك أنتا ريال ، والبيت للحريم ، والله زمن صار فيه الريايل يقعدون في البيت والحريم يتفرفرون في الأسواق ، ومن مجمع لمجمع !!
ولك كويظم .. " كويطع يتكلم "
أنا مقابل النيت .. أنا هليام طايح في النيت
لقيت لي ناس في النيت ينضحك عليهم أكثر من أهل الإستراحة وطلايبها الوايده ..
ولك شلون علمني .. يرد عليه كويظم
يتكلم كويقع ويقول :
شف عمي ، أنا لقيت لي منتدى وسجلت فيه بإسم حرمه ..
وسميتها ( مروة ) .. خوش ، هل فهمت ؟
وأول ما دخلت ، طاحوا الشياب قبل الشباب فيني مغازل ، في البداية كان فيه إحترام وتقدير ، وشوي شوي ، طيحوا الميانة .. وأنا مستانس عليهم وعلى مغازلهم البريء
رجال هذا الزمان صاروا مساكين ما يفرقون بين لهجة حرف الحرمة من لهجة حرف الرجال .. هههههه
ههههه .. ههههههه ( كويطع ) مات من الضحك ، فجاره كويظم في الضحك ..
كويطع يواصل حديثه ..
ويقول كويظم ..
( يرد عليه كويظم ، بنعم )
الله ينعم عليك ، شف ..
واحد منهم كتب فيني قصيدة ( هو يقول ) ومسوي روحه شاعر ، وبعد مجموعة من التعليقات ، إكتشف أحد الإخوان في المنتدى أن هذه القصيدة لشاعر مشهور وهو سارقها منه .. ههههههه
والله فشله ..
وبكل قواية عين رد عليهم وقال .. أنا متعمد أبغي أختبر معرفتكم .. هههههه
وفيه عضو أخر في المنتدى ..
كتب فيني خاطره .. كلماتها غير مفهومة من أولها لأخرها .. وخذ مقطع منها :
الليل طويل .. ماينقاس
والنهار كثير .. حرك كل إحساس
ما يصير
ما يصير
أنا الضمير .. أنا إبن الأمير
قالوا ..
عنه البحر كبير ، قلت لهم ما يصير !!!
والضمير لازم يعود ، ويحرك كل إحساس ... إنتهى المقطع
رد عليه أحد المشاركين وقال له :
آلو .. آلو .. وش جالس تقول ؟؟
أنتا معنا لو مع غيرنا .. وش هلخرابيط ؟؟
وفيه مشارك ثالث يستعرض مهاراته السياسية ، ويقول لي في رسالة داخلية ، سوف أكتب موضوع سياسي مميز ، وإنتظري هذه المقالة ..
وطبعاً كالعادة أنا في إنتظار مقالات فريق المجانين ، الذين يتساقطون في كل يوم ، واحد تلو الأخر ..
وبعد كم يوم فعلا كتب ..
مقالة فيها من السب والشتيمة ما لاتُليق بمسلم أن يخط قلمه أي حرف منها ، بل ربما ترتقي كلماتها لدرجة الحلال والحرام مما جاء فيها من نصوص ..
وبعد يوم تم حذفها وقذفها في سلة المهلات ، وتم إيقافه نظراً لتجاوزه حدود سياسة المنتدى ..
وفكوني منه ومن رسائله الداخلية ..
ولكنه دخل بإسم أخر ، وإستمر بمراسلتي .. ههههههه
إيش فيك تضحك يا كويظم ..
أضحك عليك يا قويطع ..
ليه .. ؟
أنتا مضيع وقتك في النيت وفي الضحك على العالم ..
فيرد عليه قويطع :
الله وأكبر يا كويظم ، أجل أنتم في الإستراحة وش تسون في كل هلساعات ؟؟
مو كله ضحك وتطنز على الناس ، أو تطنز على بعضكم بعض ، ومغماز بينكم ؟؟؟
علينا يا السهو ؟
ملاحظة مهمة :
هذه رواية مختلقة وليس لها أرضية من الصحة وهي مجرد خربشات إنترنتية .. أرجو لا يظن أحد اني أعنيه بذاته أو أعني أحد من فريخاته !!
قويطع يُحدثُ نفسه :
ولك ماراح أجاوب لو مصارينك تتقطع !!!
ولك أنتا من هو ، لو إلي تكون ؟
أنا الحين داش بالدوشيش والدوبيش مع ( الوسيم ) في الماسنجر .. لمن أخلص وأطيحه أرد على المكالمات الفائته .. ولك أنطر .
لا .. يمكن هذه مكالمة مهمة ..
خلني أروح أشوف من هو المتصل ( طبعاً صاحبنا قويطع لايزال يحدث نفسه )
أوووه .. هذا خوينا ( كويظم ) ..
خلني أرد عليه بسرعة ولا شفكني منه ، وأقول له أنا كنت في الحمّام ( الله يعز من يقرأ ) ، لأنه هو كبل يقول أنا في الحمّام ..
ترلن .. ترلن .. ترلن ترلن
يرفع كويظم الهاتف ويشوف رقم كويطع ويحدث نفسه :
هل أرد على هذا السخيف ولا لا .. توه هو لبسني ما رد علي ، أكيد هو بيقول هو كان في الحمّام ..
بس خلني أرد عليه ، وأصير أحسن من هلحلجمه !!
آلو .. نعم
هلا بالقاطع قويطع ..
ولك أنتا وينك مالك شوفه ؟
ولك وين طايح أنتا ، أكيد طايح بربيّع !!!
فرد عليه قوطع :
هلا بالوردة كويظم !!
ولك .. والله أنا كله هالفترة طايح في بيتنا ..
مو معقوله ؟ يرد كويظم
ولك شتسوي في بيتكم ؟
ولك أنتا ريال ، والبيت للحريم ، والله زمن صار فيه الريايل يقعدون في البيت والحريم يتفرفرون في الأسواق ، ومن مجمع لمجمع !!
ولك كويظم .. " كويطع يتكلم "
أنا مقابل النيت .. أنا هليام طايح في النيت
لقيت لي ناس في النيت ينضحك عليهم أكثر من أهل الإستراحة وطلايبها الوايده ..
ولك شلون علمني .. يرد عليه كويظم
يتكلم كويقع ويقول :
شف عمي ، أنا لقيت لي منتدى وسجلت فيه بإسم حرمه ..
وسميتها ( مروة ) .. خوش ، هل فهمت ؟
وأول ما دخلت ، طاحوا الشياب قبل الشباب فيني مغازل ، في البداية كان فيه إحترام وتقدير ، وشوي شوي ، طيحوا الميانة .. وأنا مستانس عليهم وعلى مغازلهم البريء
رجال هذا الزمان صاروا مساكين ما يفرقون بين لهجة حرف الحرمة من لهجة حرف الرجال .. هههههه
ههههه .. ههههههه ( كويطع ) مات من الضحك ، فجاره كويظم في الضحك ..
كويطع يواصل حديثه ..
ويقول كويظم ..
( يرد عليه كويظم ، بنعم )
الله ينعم عليك ، شف ..
واحد منهم كتب فيني قصيدة ( هو يقول ) ومسوي روحه شاعر ، وبعد مجموعة من التعليقات ، إكتشف أحد الإخوان في المنتدى أن هذه القصيدة لشاعر مشهور وهو سارقها منه .. ههههههه
والله فشله ..
وبكل قواية عين رد عليهم وقال .. أنا متعمد أبغي أختبر معرفتكم .. هههههه
وفيه عضو أخر في المنتدى ..
كتب فيني خاطره .. كلماتها غير مفهومة من أولها لأخرها .. وخذ مقطع منها :
الليل طويل .. ماينقاس
والنهار كثير .. حرك كل إحساس
ما يصير
ما يصير
أنا الضمير .. أنا إبن الأمير
قالوا ..
عنه البحر كبير ، قلت لهم ما يصير !!!
والضمير لازم يعود ، ويحرك كل إحساس ... إنتهى المقطع
رد عليه أحد المشاركين وقال له :
آلو .. آلو .. وش جالس تقول ؟؟
أنتا معنا لو مع غيرنا .. وش هلخرابيط ؟؟
وفيه مشارك ثالث يستعرض مهاراته السياسية ، ويقول لي في رسالة داخلية ، سوف أكتب موضوع سياسي مميز ، وإنتظري هذه المقالة ..
وطبعاً كالعادة أنا في إنتظار مقالات فريق المجانين ، الذين يتساقطون في كل يوم ، واحد تلو الأخر ..
وبعد كم يوم فعلا كتب ..
مقالة فيها من السب والشتيمة ما لاتُليق بمسلم أن يخط قلمه أي حرف منها ، بل ربما ترتقي كلماتها لدرجة الحلال والحرام مما جاء فيها من نصوص ..
وبعد يوم تم حذفها وقذفها في سلة المهلات ، وتم إيقافه نظراً لتجاوزه حدود سياسة المنتدى ..
وفكوني منه ومن رسائله الداخلية ..
ولكنه دخل بإسم أخر ، وإستمر بمراسلتي .. ههههههه
إيش فيك تضحك يا كويظم ..
أضحك عليك يا قويطع ..
ليه .. ؟
أنتا مضيع وقتك في النيت وفي الضحك على العالم ..
فيرد عليه قويطع :
الله وأكبر يا كويظم ، أجل أنتم في الإستراحة وش تسون في كل هلساعات ؟؟
مو كله ضحك وتطنز على الناس ، أو تطنز على بعضكم بعض ، ومغماز بينكم ؟؟؟
علينا يا السهو ؟
ملاحظة مهمة :
هذه رواية مختلقة وليس لها أرضية من الصحة وهي مجرد خربشات إنترنتية .. أرجو لا يظن أحد اني أعنيه بذاته أو أعني أحد من فريخاته !!