بسم الله الرحمن الرحيم

اولا اشكر القائمين على هذا المنتدى ...


ثانيا

حبيت اشارككم يصورتين من ارشيف الوالد ...


الصورة الاولى ايام ما كان في سادس ابتدائي سنة 1972م



http://up4.m5zn.com/9bjndthcm6y53q1w0kvpz47xgs82rf/2009/7/9/04/1ryx3knzw.jpg




الصورة الثانية صورة تذكارية لعيد الاضحى المبارك


http://up4.m5zn.com/9bjndthcm6y53q1w0kvpz47xgs82rf/2009/7/9/04/kyl09glz7.jpg


عبدالله الهذلول فوق على اليسار


والسلام عليكم ورحمة الله وبركاته ...

صور جميلة وذكريات أحلى

الله يطول عمر الوالد ويتحفنا أكثر من هذه الصور

وتحياتي لك ابوضاري

خوش صور


مشكور يا بو ضاري

وياليت يتحفنا الوالد بأسامي الأشخاص اللي بالصور

سبحان الله
أيام راحت

الصورة الأولى فيها من أصدقاء الطفولة 3 انتقلوا إن شاء الله إلى رحمته

فوق من اليسار محمد الجويسر وعماد البعيجان ومن الجلوس تحت صالح الصالح ( المسمى بصالح الغوينم نسبة إلى خواله وهو الشاعر الذي لا يعرفه احد عدى أخوكم مالي غير ولديه 2000 بيت من الشعر الفصيح )

في الصورة الأولى محمد ابراهيم الجويسر رحمة الله عليه اما في الصورة الثانية فاعتقد اول واحد من اليمين الدليجان و الثاني ابراهيم الشعيل

ابوعمر
جزاك الله خير ...
و مشكووور على مرورك ..


ابن الميصه

مشكوور كذلك على مرورك وان شاء الله قريب اضيف الاسماء ...

اشكر الجميع على المرور ...

السلام عليكم
العزيز ابو ضاري المحترم ----- تحية المحبة الدائمة
كان لنشر هذه الصور الرائعة اثرها الكبيرفي النفس وذلك لما فيها من ذكريات الحنان وايام مدرسة طلحة والكشتات الى البر
وقد المني كثيرا ما ذكره اخي العزيز مالي غيرك ( عادل ) عن الاحبة تلامذتي في الصف الاول والذين فارقونا تغمدهم الله برحمته الواسعة وخاصة التلميذ المرح الجويسر 0( رحمه الله ) اما المرحوم عماد البعيجان فقد راح ضحية احداث الشمال كعسكري وفي الصورة ايضا المعلم ابراهيم جعاز والمعلم خالد علوان ومن التلاميذ كما اتذكر من الواقفين بينهما الجويسر والمغربي والدليجان ( عبد الرزاق ) وعادل زيد ووليد خالد السعدون اما من الجالسين نزار الدليجان وخالد متعب السامرائي ( ابوه اسطة ) والحميدان والعويدي ومحمد عبدالمجيد البغادة وحسين علي و الهلال وارجو ان تبلغ الوالد الكريم بتحياتي الخالصة له ---- اما الصورة الثانية فهي عند اسد بابل في العشار وفيهم عبد الله سليمان الفضيلي والهذلول والعضيب ان معظم من في الصورتين هم من تلامذتي الاحبة في الصف الاول وفقهم الله ولكن الزمن البعيد هو سبب نسيان اسمائهم شكرا لابي ضاري --دمتم بخير

استاذي القدير/ حسن زبون العنزي

وفقك الرحمن

بالنسبة لعماد البعيجان نسأل الله له المغفرة فحقيقة هو توفى هنا في الرياض ، فقط للتصحيح


بارك الله فيك

هذي الصورة لنا واحنا بمدرسة البعث لما انقلونا من مدرسة طلحة وقالو لنا اللي بيتهم بالزهيرية لا يداومون بطلحة غدا يكون دوامكم بمدرسة ما راح اذكر اسمها لانها كانت جديدة والطلاب اللي بالصورة هم
من اليسار اولا الاستاذ خالد علوان وكان هو مشرف الصف والطلاب هم كالاتي :-
محمد الجويسر الله يرحمه عماد البعيجان الله يرحمه محمود المغربي ابراهيم الشعيل عماد الصالح عبد السلام الدليجان عبد الله الهذلول واللي بعد عبدالله ما اذكر اسمه عادل زيد وليد السعدون عثمان البسام اخو عبد الله الهذلول ماذكر اسمه عبد المجيد البغادة خلف الصقير بعدين اثنين ما اذكر اسمائهم عادل متعب زهير الدجاني صاحب البوذيات عودة العويدي واللي بعده كذلك ما اذكر اسمه ورائد الدليجان نجيب الرشيدان واللي بعده ما اذكر اسمه احمد السهو عماد العومي نزار الدليجان واذا انك تقول الهلال فهو عبد الكريم الهلال واخيرا الاستاذ ابراهيم
وللعلم انا واحد من اللي بالصورة

السلام عليكم ورحمة الله وبركاته
حدث خظأ في بعض المعلومات عن اسماء الطلاب وسأحاول اسرد لكم الاسماء انشالله ما تخوني الذاكره لاني واحد منهم
الواقفون من اليسار لليمين
المدرس خالد علون .... واللي يطل وراه عبدالرحمن الرشيدان بصف رابع كان مار
محمد ابراهيم الجويسر ( رحمه الله ) .. عماد البعيجان ( رحمه الله ) محمود المغربي .. ابراهيم الشعيل ..عصام صالح الصانع ... عبدالسلام عبدالله الدليجان ... عبدالله ابراهيم الهذلول ..خالد العصيمي ... عادل عبد زيد الكعبي ... وليد خالد السعدون ... والاستاذ ابراهيم مدرس الانكلينزي
الجالسون من اليمين
طاهر الحرز ... زهير الدعجاني ( يبيع طاقيه حسينيه بـ 50 فلس بسوق الحمام ) عادل متعب ... حقي ولد ابو حسين ..يونس جاعد ..خلف محمد الصقير ... محمد البغاده ... سعود البسام ... بدر الهذلول ... محمد نعمه ( لقوه بنص الشارع وحطوه بالساس ) ..
الجالسون من اليسار
عبدالله الحمدان ...رائد الدليجان .. نجيب الرشيدان .. حسين ولد الممرضه عايده .. احمد السهو .. عماد العومي ... نزار الدليجان

الصوره اللي بالعيد مصوره بالبصره عند اسد بابل
وهم محمود شاكر .. عبدالله الهذلول ... محمود المغربي ...عبدالرزاق الدليجان ... ابراهيم الشعيل ... عبدالسلام الدليجان ... عادل الشريده ... عبدالمحسن التمران (محيسن) :ممتاز:بوق

الكاهـــــن.

ما شاء الله عليك.. ذاكرة حاضرة ترليون بالميـــ 100% ـة..
خصوصاً أبو الطواقي(شلون دبرتهـــــا).

:تصفيق

عاد ليش كل هذي القطاعـ ـ ــ ـة..
لا تنسانا، كل ما تميت طل علينا وعلى الأقل تقول..
السلام عليكم، خصوصاً طلعت من ربعي في الصـــــف!!

:ممتاز


تحياتـــــي..

السلام عليكم ورحمة الله وبركاته
يا اخي مشاء الله عليك ذاكرتك ما خانتك مثلي مع ان الصورة هذي عندي ومحتفظ فيها الى الان ولعلمك انت ذكرت اسمي بالكامل بس تصدق ماني بذاكر منو اللي كان قاعد معاي بنفس الرحلة شوف شصار معاي وانا حتى الاسماء خرت فيها بس كل اللي اذكره لما استاذنا عبد المحسن الصانع لما ضرب زهير الدجاني من ورى راسه وهو قاعد يردد بوذية ياه من وراه :arb130-sm ولطخ راسه بالرحلة ورفع راسه وهو مصعرر من الضربة واللي اشوفهم الحين من اللي معانا بالصف الى الان هم وبعض الاحيان مو دائما رائد الدليجان ونزار الدليجان وابراهيم الشعل وعبد السلام الدليجان ونجيب الرشيدان واحمد السهو شفته بالصدفة بالرياض قبل اكثر من 18 سنة
عموما سلامي للجميع واتمنى لهم التوفيق بحاتهم وياليت اعرف من اللي معانا بالموقع او اللي علقوا على الموضوع وشكرا.
اخوكم خلف محمد الصقير

السلام عليكم تسلم اخوي على صورتين بس حبيت اخبرك طاهر الحرز هوى اقاربي الل.. يرحمه ويغمد روحه الحنة توفي في حرب ايران مع العراق
اخوك عيسى طه العيسى