المربد
01-05-2004, 09:19
كعادتـنا في كل اسبوع اذا صار يوم الاربعاء بعد المغرب تشتغل الاتصالات على اعضاء الاستراحة، فلان بتروح ؟
لا، عندي دايره .!!
ابو جاسم بتروح ايه ! انا بالطريق رايح.
تكفى مر على السوق اشتر لنا وياك رقيـّـه وجبنة بيضاء وطماطة ونعناع ترى ابو هيثم عليه العشاء اليوم واعتذر يقول عنده مرابطة بالبيت،
عسى ماشر؟
لا ما شر، بس يقول ولده عنده امتحان يوم السبت وما يقدر يطلع خايف الولد ما يدرس.
الله يكون في عونه على هالحرص الزايد.
انا يمكن اتاخر علشان ابي امرعلى ابو هيثم، اوسع صدره بعدين اجيكم اكمل السهرة عندكم.
دقيت الديرمه وطلعت للسيارة واذا جواد ولدي مشغلها وفاتح المكيف وقاعد ينتظرني (بادي يتعلم السياقة)،
قلت له تروح وياي للاستراحة (هو بعض الايام يستانس يروح وياي اخليه يسوق السيارة اذا وصلنا الاستراحة).
لا عندي اختبار يوم السبت
تبي شيء ؟
لا مشكور يـبـه ، عساك على القوة.
قلت الله يوفقك يا ولدي مع السلامة .
رحت لأبي هيثم وطقيت عليه الباب كلمني وليد صغير بالمكرفون (انتركوم) سلمت عليه ما رد علي. قلت له ابوك فيه؟ واذا ابو هيثم ياخذ السماعة من ولده ،،، من ؟ من بالباب
قلت ابو جواد انت فيه والا منت فيه؟ قال ماني فيه بس اصبر شوي.
طلع لي الرجال لابس ثوب البيت، بازة مقلمة ابيض وازرق، وطاقية ام الحاشة مشخلة من فوق. وحاط القلم فوق اذنه وكتاب بيده وفي جيب الصدر ورقة.
الصراحة الرجال طار من الفرح يوم شافني عند الباب.
يا هلا بو جواد شهالساعة المباركة تفضل، تفضل، قلت ترى ماني مطول
دخلت عنده بالمجلس ونادى ولده هيثم قال له البس ثوبك وتعال سلم على عمك بو جواد،
يا هلا بهيثم ما شاء الله تبارك الرحمن صار طولي يـبه انت بأي صف الحين؟
قال ابو هيثم بالثالث متوسط.. !!
ما شاء الله وعساك ماشي بالدراسة
قال ابو هيثم هذا حنا وياه نلاطخ بكتاب العلوم
بهالسوالف وانطق الباب من داخل البيت، قام هيثم وقام ابوه يتسابقون للباب وجاء ابو هيثم وشايل معه طوفلية فيها الشاي والحليب والكيك والقرابيج. وحطها بيننا
قام هيثم يبي يصب قال له اتركها وانا ابوك خلني انا اصب.
قلت يا هيثم رح يا ولدي ذاكر عسى الله يوفقك.
قال ابو هيثم شف يا هيثم راجع الفصل الرابع والرسومات حق الفصل الثالث وجاوب الاسئلة اللي كتبتها لك بالدفتر.
قلت يا بو هيثم لو لا اني اعرفك واعرف كم عندك ولد وبنت كان قلت هذا الرجال ما عنده غير هالولد !!
يا اخي اترك الولد يتحمل مسؤولية نفسه شوي، حنا خبرنا الدلال والرعاية تصير من الناس اللي ما عندهم غير ولد واحد او بنت واحدة، او بنت بين اولاد يصير لهم دلال ورعاية خاصة، لكن انت ما شاء الله عليك عندك اربع بنات وثلاث اولاد، واذا كل واحد من اولادك تربيه على انك تسوي له كل شيء هذي مشكلة تربوية.
قال شلون ؟
قلت له اذا تدخلتوا انت او امهم بكل شؤونه وتدافع عنه اذا احد طقه، وتشاركة بحل الواجبات وما تكلفه بداخل البيت بشيء يسويه لو على الاقل كب الزباله (اكرمك الله)، تراك ما قاعد تعطيه فرصة يتخذ قراراته بنفسه واكيد ما عنده حرية التصرف في كثير من الامور. قلت له انت تدري انك قاعد تؤثر على شخصيته اقصد تاثير سلبي لأنه راح يكبر بشخصية ضعيفه ويصير معتمد على غيره في كل شيء وما عنده استعداد ان يتحمل أي مسؤولية وازيدك من الشعر بيت حتى ثقته بنفسه راح تكون مهزوزة.
شلون بـيـروح للثانوي ويسجل ويختار طريقه اما علمي او ادبي ؟
شلون بـيـروح للجامعة ويختار التخصص اللي يناسب ميوله اذا كنت انت الى الآن تـتـدخل في طريقة دراسته
وبعدين راح تحصل له مشاكل لأنه يصعب عليه التكيف لأنه انحرم من اشباع حاجته بان يكون شاب مستقل في طفولته ونشأته ويـبـقى اتـكالي معتمد على غيره دائما
صح والا لأ ؟؟
تعبت من الطباعة ، والحين يزعل نجم سهيل لأني طولت عليكم الموضوع.
سامحوني
لا، عندي دايره .!!
ابو جاسم بتروح ايه ! انا بالطريق رايح.
تكفى مر على السوق اشتر لنا وياك رقيـّـه وجبنة بيضاء وطماطة ونعناع ترى ابو هيثم عليه العشاء اليوم واعتذر يقول عنده مرابطة بالبيت،
عسى ماشر؟
لا ما شر، بس يقول ولده عنده امتحان يوم السبت وما يقدر يطلع خايف الولد ما يدرس.
الله يكون في عونه على هالحرص الزايد.
انا يمكن اتاخر علشان ابي امرعلى ابو هيثم، اوسع صدره بعدين اجيكم اكمل السهرة عندكم.
دقيت الديرمه وطلعت للسيارة واذا جواد ولدي مشغلها وفاتح المكيف وقاعد ينتظرني (بادي يتعلم السياقة)،
قلت له تروح وياي للاستراحة (هو بعض الايام يستانس يروح وياي اخليه يسوق السيارة اذا وصلنا الاستراحة).
لا عندي اختبار يوم السبت
تبي شيء ؟
لا مشكور يـبـه ، عساك على القوة.
قلت الله يوفقك يا ولدي مع السلامة .
رحت لأبي هيثم وطقيت عليه الباب كلمني وليد صغير بالمكرفون (انتركوم) سلمت عليه ما رد علي. قلت له ابوك فيه؟ واذا ابو هيثم ياخذ السماعة من ولده ،،، من ؟ من بالباب
قلت ابو جواد انت فيه والا منت فيه؟ قال ماني فيه بس اصبر شوي.
طلع لي الرجال لابس ثوب البيت، بازة مقلمة ابيض وازرق، وطاقية ام الحاشة مشخلة من فوق. وحاط القلم فوق اذنه وكتاب بيده وفي جيب الصدر ورقة.
الصراحة الرجال طار من الفرح يوم شافني عند الباب.
يا هلا بو جواد شهالساعة المباركة تفضل، تفضل، قلت ترى ماني مطول
دخلت عنده بالمجلس ونادى ولده هيثم قال له البس ثوبك وتعال سلم على عمك بو جواد،
يا هلا بهيثم ما شاء الله تبارك الرحمن صار طولي يـبه انت بأي صف الحين؟
قال ابو هيثم بالثالث متوسط.. !!
ما شاء الله وعساك ماشي بالدراسة
قال ابو هيثم هذا حنا وياه نلاطخ بكتاب العلوم
بهالسوالف وانطق الباب من داخل البيت، قام هيثم وقام ابوه يتسابقون للباب وجاء ابو هيثم وشايل معه طوفلية فيها الشاي والحليب والكيك والقرابيج. وحطها بيننا
قام هيثم يبي يصب قال له اتركها وانا ابوك خلني انا اصب.
قلت يا هيثم رح يا ولدي ذاكر عسى الله يوفقك.
قال ابو هيثم شف يا هيثم راجع الفصل الرابع والرسومات حق الفصل الثالث وجاوب الاسئلة اللي كتبتها لك بالدفتر.
قلت يا بو هيثم لو لا اني اعرفك واعرف كم عندك ولد وبنت كان قلت هذا الرجال ما عنده غير هالولد !!
يا اخي اترك الولد يتحمل مسؤولية نفسه شوي، حنا خبرنا الدلال والرعاية تصير من الناس اللي ما عندهم غير ولد واحد او بنت واحدة، او بنت بين اولاد يصير لهم دلال ورعاية خاصة، لكن انت ما شاء الله عليك عندك اربع بنات وثلاث اولاد، واذا كل واحد من اولادك تربيه على انك تسوي له كل شيء هذي مشكلة تربوية.
قال شلون ؟
قلت له اذا تدخلتوا انت او امهم بكل شؤونه وتدافع عنه اذا احد طقه، وتشاركة بحل الواجبات وما تكلفه بداخل البيت بشيء يسويه لو على الاقل كب الزباله (اكرمك الله)، تراك ما قاعد تعطيه فرصة يتخذ قراراته بنفسه واكيد ما عنده حرية التصرف في كثير من الامور. قلت له انت تدري انك قاعد تؤثر على شخصيته اقصد تاثير سلبي لأنه راح يكبر بشخصية ضعيفه ويصير معتمد على غيره في كل شيء وما عنده استعداد ان يتحمل أي مسؤولية وازيدك من الشعر بيت حتى ثقته بنفسه راح تكون مهزوزة.
شلون بـيـروح للثانوي ويسجل ويختار طريقه اما علمي او ادبي ؟
شلون بـيـروح للجامعة ويختار التخصص اللي يناسب ميوله اذا كنت انت الى الآن تـتـدخل في طريقة دراسته
وبعدين راح تحصل له مشاكل لأنه يصعب عليه التكيف لأنه انحرم من اشباع حاجته بان يكون شاب مستقل في طفولته ونشأته ويـبـقى اتـكالي معتمد على غيره دائما
صح والا لأ ؟؟
تعبت من الطباعة ، والحين يزعل نجم سهيل لأني طولت عليكم الموضوع.
سامحوني