المربد: كانت بالزبير شركة كبيرة يمتلكها اثنين من اهل الزبير هم (ابو فؤاد ، وابو خالد ) ومن اعمال الشركة النقليات فالشركة تمتلك اسطولا من سيارات النقل ومنها باصات كبيرة تسع لخمسين راكب (مثل الباصات الصفر حق رئاسة البنات بالرياض) تستعمل لنقل العمال الى شركة النفط BBC ، ومنها ما يستخدم لنقل الطلاب.
استعمل اهل الزبير هذه الباصات للطلعات للبر وكانوا يسمونها باسم الشركة فاطلقوا على الباصات اسم المربد !! ... وجاء المربد ... ووصل المربد!! وراح المربد. حتى صرنا نعرف هذا النوع من الباصات الكبير بهذا الاسم ولو لم يكن مملوكا لشركة المربد.
فكان اهل الزبير يستأجرون المربد من الشركة ليوم الجمعة يطلعون فيه للبر او ينحدرون فيه للبصرة.
اما مدرستنا فكان عندنا باص خاص وهو من مخلفات شركة النفط البريطانية وهو من ماركة (بدفورد) طبعا مدرسة خاصة !!!
كان المدير الله يذكره بالخير يشتغل بتصليح مربد النجاة سنة كاملة علشان يستعمله في موسم الربيع علشان كشتات الطلاب.
كل اسبوع يطلع مرتين كل مرة طلاب صف كامل من الصفوف، ويطلع معاه اثنين او ثلاثة من المعلمين وواحد من الفراشين.

طال الموضوع واخونا سهيل ما يبي مواضيع طويلة.

ترى انا حاجز موضوع كشتة النجاة لا احد يحرق الموضوع علي خلوني اكتب وبعدين اللي عنده اضافة يكمل علي. سمعت يا ولهان ... !!!

سمعت يا لبيق
سمعت يا ....... !!

الحمد لله أنا غير معني هنيتن .. S19
لأني الحمد لله أنا درست في مدارس حكومية كشخة ، خمسة نجوم وبلص بعد ..
كنا نلبس بنطرونات في وقت الدوام .. sudilol.gi
وعندنا حانوت رسمي مو مثلكم مدعاب .. ههههه

أخي شركة المربد ..

موضوع قيم ، وبحاجة لصور كي ندعم الصورة بالكلام ..
وترى هذه شغلة ( ولهان ) أبعث له رسالة كي يبحث لك عن صورة مربد مزنجر أو سكراب ..

أخي شركة المربد ..

ترى المربد في وقت الكشتات فيه عيب ، لأنه ما فيه سطحه فوق لوضع براميل الماي وزبلان الغديات وشياش الدقوس ومراوب التمرية ..
وبعد ترى المربد كريه ( قصدي باص المربد ) لا يمكن لك أن تجلب فيه من خلف ومن الأجناب ، يعني ما يصلح للشباب الذين يُفضلون الكشتة إما مجلبين من خلف أو قاعدين فوق السطح ..


شكراً لك على طرح هذا الموضوع ..
أوووه .. عسى ما يزعل المربد ، طولت عليه شويه ..

الخوف مراجل

انا ما عندي اضافه لكن لقافه

وكان مسفر من اشهر سائقي المربد

المربد تبي تقول أنك في مدرسة خاصة

القلم التراثي اشكر مرورك ،
ومبارك عليك المدرسة اللي كلها كعـيـبر وانتم قله مستضعفين.!

البيق، اتحداك تعرف من هو اخو مسفر..؟ وهو ايضا سائق بنفس الشركة.

ساهر عسى فهمت كلامي عن المربد؟ لأن انا اكتب وافكر فيكم يالشباب ... احم ...!!

نعم انا كنت في مدرسة خاصة (اهلية) من الروضة الى نهاية المتوسطة.وبعدين رحنا اختلطنا مع الكعيـبـر جماعة القلم وطلحة ولـَطـِـيـف (هكذا يسمون عبداللطيف).

يا أخي أنت كل مرة تعلقنا ... وين موضوع الكشتة ... وسلم لي على مدرستكم ... ومدرستنا الحلوة أنا ويا القلم أحسن مليون مرة من مدارس الكشخة ... خصوصاً وأن المربد عيونه زرق وشعره أشقر ...

http://alwalhan04.jeeran.com/images/school_bus_stop_md_wht.gif

آه ثم آه يا المربد على كشتة المربد الكحلي حق النجاة الي ما نوصل للبر حتى تتقطع قلوبنا من كثر ماندز الباص ... نص الطريق يقضى بتدزز والمشكلة اذا وصل طلعة سكة الحديد ياويلي ويلاه انهلك يالله نعبره السكه وغير البويه الي يتركها الباص على ادينا وهدومنا ... المهم ماودي اخرب على حبيبنا المربد وبعدين يزعل .

روح ابوهاسك ( Go a haed ) يا ابو يوسف

وهذي صورة لأحد النقليات المستخدمة في الكشتة

http://alwalhan04.jeeran.com/images/نقليات.jpg

هااااااه .. المربد ..

مو أنا قلت لك إطلب إسعاف ( الولهان ) علشان الصور ..

أخي الولهان ..

ترى باصك ما فيه سلة فوق السطح ..
وين راح نحط البراميل ومقاضي الكشتة ..
وين نحط الأثل إلي راح نقطعة من البر ؟؟

المربد .. الغائب الحاضر

وأنا أتجول واتنزه في روضات الصمان في موضوع الاخ عبداللطيف وقع بصري
على توقيعك الذي يحمل مواضيعك وبذات هذا الموضوع وان كان قديم ومغبر قليلا
لكن بحق فيه سطور جميلة وتعريف عن ((المربد)) ..

ولكن الا يحق لنا ان نسأل اين ذهب المربد ؟؟ ام تاه في اثل كويبده والقريطييات
ام جفت المنابع واشك في جفافها !! قلم مثل قلمك لايحق له ان يهجر الدار ويغرد خارجها

هي مجرد همسة علها تصل ,,,

أثمن جهودك السابقة واللاحقه . :smile005:....... تحياتي

السلام عليكم




ابو عمر


هكذا فعل هو أشبه بحرث الأرض لغرسها ، وليس نبشاً لموات !!
أشكرك ، فالتحرّش الثقافي بالمربد قد يأتي بفائدة مرجوة من مثله .
من هنا أخي المربد أطالب بأن تنجز ما وعدتنا - كتابة ً- حول ( كشتة ) النجاة ؟؟!!

الاخوين العزيزين ابو عمر وعبد اللطيف

حقا موضوع المربد شيق وخاصه نحن عشنا هذه التجربه بالكشتات ايام المدارس بالستينات .. واعتقد مالك اسطول المربد

المرحوم ابو سعود وسائقه (مسفر) . ولحد الان موجود كراج المربد الذي كان مبيت وتصليح لهذه السيارات ( المربد)

وهو فارغ من سيارات المربد وقد اشتروها اهالي البصرة وتعمل الان على خط بصره- جمهوريه وتقف في شارع التنانير

وقد زاد عددها عند دخول الكويت .. واعتقد تسمية المربد جاءت من منطقة المربد في الزبير دور النفط التابعه سابقا الى

ال - بي بي سي وكانت هذه السيارات تنقل موظفي النفط من والى الشركه والدور او التسميه اخذت من سوق المربد الشعري

الذي كان يقام في الزبير قرب خطوة علي .... والله اعلم تحياتي وتقديري