صور من حمدان ...

http://shabzy2.jeeran.com/z11.jpg


http://shabzy2.jeeran.com/z4.jpg


http://shabzy2.jeeran.com/z13.jpg


http://shabzy2.jeeran.com/baby1.gif

هذي صورتي يوم كبرت شوي .... smil110

الله يشرح صدرك للايمان مثل ماشرحتا صدري بهالصور

حمدان ياحمدان دره من ابو الخصيب بنخلها الباسقه الشاخات المتفرعه الى ما لانهايه

اهلها طيبين اخيار كرماء اهل نخوه وعشرتهم حلوه لينين العريكه ، رجال حادين الذكاء

عاد ششتهروا فيه كل طيب ونافع دبس ماي لقاح

كل الي شفته هناك كوم وموقف صار لي وانا صغير ، كنت صغير وطلعنا لقاعنا بالفياضي وبالرجعه قالوا الكبار بينامون بالقاع اخواني عيو قالوا هو صغير وراح نبتلش فيه لازم يرجع زعلت وانقهرت قعدت اترجاهم , زوجه الفلاح ما هنالها ارجع وانا منقهر قالتلي ابعطيك شي تفرح بيه ، قامت وقالت لأولادها روحوا سووله شربه ، وجابو لي شربات باحجام متعدده وهي عباره عن اعلى غطاء اللقاح الي هو الفبع يقصونه ويعبونه ماي تشرب فيه اطيب والذ انواع الماي

يا معود شسويت

هاي أسويت يا راس البر تراك وهجت الذاكرة وحركت الشجون بهذي الصور الجميلة وما لها من وقع على النفس عندما تتذكر هذي الأيام ( ياليت الشباب يعود يوما .....).

على فكرة تراك مملوح مرة بهذي الصورة المرفقة !!! هذا وانت يوم كبرت أيل شلون وانت صغير.

راس البر .. ليش تاكل العنب بروحك وما تعطي ربعك ؟! وبعد قاعد ومرتز وما هامه .. هالبطيني.
ــــــــــــــــــــــــــــــــــــــــــــــــــ ـــــ
أما اذا جينا للجد ففعلا صور جميلة وتشرح الصدر مثل ما تفضل مستشارنا العزيز البيك .. ومن ناحية ثانية تراك عورت قلوبنا بهالصور اللي تذكرنا بالأيام الحلوة الله يعيدها، ولو ان اللي راح ما يرجع.
ومن ذكرياتي في هالمناطق الجميلة من ريف البصرة أني كنت مرة بصيد سمك، ولكني صدت نفسي! القصة يا جماعة الربع أني كنت أجهز الشص بذاك الطعم اللي يحبه قلبك وأمني النفس بذيك البنية (سمكة مو بنت، ترا بعض الناس ما يصدقون، يبون الزلة) اللي ما صارت ولا استوت. الحاصل أن الخيط مال السنارة كان لاف على رجلي وما حاس فيه وأول ما قمت أبمشي للشط ومير يا جماعة الربع وأسحب الشص ,, ووين دخل؟ بإيدي. ههههههههههه أثاريني صدت ايدي. المهم تفازعوا الربع .. اللي يقول نوديه العيادة واللي يقول لا ما يحتاج وأنا مسيكين عيني تدمع أنتظر الحل (مثل حال العرب الحين!) المهم ما حسيت إلا بجدي (الله يرحمه) يقوللي يا مسلم أوووووون لاين شوف الطير فوق وما أمداني أرفع راسي وإلا هو يسحب الشص بسرعة .. ومير يا جماعة الربع وأصرخ ذيك الصرخة .. شنو هذا تعذيب لا مو تعذيب. وبعد ما كفاه .. ما حسيت فيه الا وهو حاط الزيقارة على الجرح وكملت الحسبة. المهم ما أطول عليكم .. كلها ساعة ولاني أراكض .. مع منو؟ .............. مع البزارين (مو البزازين) كن مافيني شي.
الله يرحم آبائنا وآبائكم يا راس البر والبيك وجميع المسلمين .. الأحياء منهم والأموات.
ومشكور مرة ثانية يا أبو عبدالله على الصور وعساك على القوة.

ما أجمل الماضي ... وما أجمل ذكراه ... أهم شيء تكون مرتاح أخيي البيك ... وأتمنى أن تعود بك مثل تلك الصور إلى ذكرياتك الجميلة ... فهنيئاً لك ...

أخيي ولهان ترى راح أحطك مع شلة الشياب اللي عندنا في المنتدى ... حرام عليك تراك توك صغنون وتقول ألا ليت الشباب يعود يوماً ... وبالنسبة لصورتي وأنا صغير شفها في موضوع (هدية لمحبي طلحة) ... وشف الفرق ... لأن هذي الورة بعد تخرع الخال لي ....

هاي شسويت و شبقيت و قفلت بالدوشبش يا راس برنا صحيت النايم و رديت الهايم و الله الدايم
حبيبي راس البر عودك و أنت ياي من هناك يبلي هذه الحاجات البسيطه بدون ألف زحمه:
- فد يلة باميه من الينوبات
- رك رطب بريم أو برحي أو زعمران أو حلاوي أو ساير أو حتى ديرى.
- ورق عنب
- بمبر
- رميمانات
- بطيخ الكرمه
- عنب ديس العنز
- نص درزن مهاف و نص درزن حصران جولان و نص درزن زبلان و نص درز يلل .
- ماي لقاح من حضن أمه
- مدانه و قرشه و حب و برنيه
- درزنين عسبان حتى نظف الدور من خام الشيطان

عساني ما ثقلت عليك

أخوك / طلحه

رأس البر ..

آلحين العنوان مضبوط .. ( الينوبات ) وليس ( الجنوب ) ..
صور جميلة ، ذكرتنا .. أيام وايام ..

يبيلها في أحد الأيام قعده على الكمبيوتر وكتابة ..
موضوع إسمه .. ( زبيري في الينوبات ) ..
نصور فيه حياة ذلك اليوم لجيل الشباب مثل رأس البر

إما هذه صورتك أعتقد صحيحه ..
مشتر آذانك .. :confused:

هلاوين أخيي مسلم ... شفت شلون صور تعور القلب ... وأثاريك من قبل منت سهل ... تقول اسمجة الظاهر العكس .. اعترف أحسن لك ...

هلا به ... أبو فيصل شخليت ... شرايك ايب لك الينوب كله وبس ... تراك نسيت أهم شيء الصبور والبني ... ولا أنت ما تحب السمج ... لكن تستاهل الطرشة الجاية أييب لك طلباتك ... ما نقدر على زعلك ... وخل بعض الناس ينقهرون ...

صور جميله تكفي عن التعليق smil72

آه آه وهم آه ياراس البر انتا اليوم حركة المواجع ورديتنا 25 سنه بس والله صور حلوه وجميله اقول ليت الشاب يعودوا يوم بس عاد ترى انا مو شايب يعني ما كملت الاربعين اخاف تخلوني مع الشياب بس تدري اليوم شفت الصور فتحت الفيريزا ومن الحره طلعت رطب واكلت وتخليت البرحي وماي اللقاح
nourbani

يا حجي

ماتفرق بين الربع جنهم صينيين طقه وحده
لا وبعد لابسين زي موحد الله يحفظهم يا حجي من العين

هلاوين أخيي قلم التراثي ... شكراً لمتابعتك الجميلة ... بس شرايك فيني حلو ... بس غريبة هالمرة ما قلت شياب ... الحمد لله ظهر الحق ...

شهالقشه شعور طويلة ومعرفجه صج من مميزات الرجل الزبيري انه قشه بس ما نبي ننقل لكم عدوى الهوشة ... خلوها هناك ..

والنخل ما شاء الله ساقه جنه ريل صخله .. وين نخلنا الحين قزم لازق بالقاع ..

أخي الكريم سمو الضمير ... حياك الله وأشكر مرورك ...

أخي الكريم nourbani خلاص راح أخطك مع الشباب أنا ومسلم أون لاين ... وعليك بالعافية الرطب ... وبإذن الله تعالى ترقب الصور القادمة ...

السلام عليكم
رأس البر ولك حنا شنقول من الصبح عنوان شكبره حاطينه لاتعور قلوب الشباب يبه ، :) عموما حلو ان الواحد ماينسى الماضي بس القصد من ورى عنواني السابق وهم بنفس الوقت نرد على بعض الاخوة الافاضل اللي ماوصلت لهم الرسالة ، مو معنى عنواني ان انسى الماضي بس انا اقصد ان ليش الماضي يونسنا حتى لو اهو ساعات يكون في بالنا ذكرى اليمه منه ، والله من ورى القصد ، وصور زاهية ولاتحرمنا منها ياراس البر ، ومشكور

حياك الله أخيي البحر ... وشكراً لمرورك ...

أخيي ولد الباطن هذي الشعور آخر موديل وينك فيه أنت ... وكل واحد عنده قذيلة يتفاخر فيها ... أنت ما شفت قلم التراثي يوم أنه شباب قبل 50 عام قذله وشعر يهبل جنه ألفس بروسلي ... حياك أخيي ...

عليها صبور مشوي على الفحم وتكمل الحسبة
قواك الله اخيي راس البر