البيك
15-04-2004, 04:08
السلام عليكم ورحمة الله وبركاته
شي كنت افكر فيه من زمان وما كنت اقدر اعبر عنه لأني ماني عارف اشلون اعبر ، ادخل بالموضوع مباشرتن علشان ما يطول الحديث ، اقصد اننا كلنا نشارك بالكتابه عن التراث ولكن مشاركاتنا كلها احداث واقعيه تمت ولكن من النادر ان يكتب شخص عن الحوادث الي اثرت بشخصيتيه ، ولهذا حبيت اكون البادي بالموضوع وودي ان اي احد يقدر يشارك بهالمجال يتفضل عشان تتشعب المشاركات وتعم الفائده
يقولون الي ما عنده دار كل يوم له جار ، وحنا صغار ما كان عندنا بيت ولذلك تنقلنا لبيوت وسكك عديده بزبير وزاملت اولاد كثير وتعرفون اول كان الجار جار يعني الوقت الي تقضيه عند جيرانكم اكثر من الوقت الي تقضيه في بيتكم ، وكانوا الجيران يعاملونا مثل اولادهم بالثواب والعقاب يعني عادي الابو يطقك طق سنه بساعه اذا شافك تسوي غلط ، يعني مره انا كنت وولد جيراننا نطير طياره وقلتله اتراهني امشي على الطوفه وانا رجع على ظهري وبيدي الطياره ، وبديت اسويها ودخل العم للبيت وشافني وقالي ولك شتسوي انزل بسرعه وحتيت الدري ونزلت وقام وحصل لمه تيل يعني سلك ولشطني فيه لشطه طير عقلي ، وهو يقول اذا اهلك ما ربوك انا اربيك ، الطقه حرتني حيل وحقدت على ابو صاحبي ورحنا انا وخاويي وهو يواسيني ويقولي ما عليك اذا تبي تفلقه انا ما راح اعلم يقصد ابوه ، وخططنا لهذا العمل لكني كنت خايف انه يعرفني كانوا ابوه وامه قشران وكنت احبه وكان الله يذكره بالخير يعاني من قساوه اهله اكثر مني ، كانوا الله يسامحهم فاسيين جدن بتعاملهم مع الجميع وانا بالليل اذا جيت انام كله افكر شلون انتقم منهم واثأر لصاحبي وصدقوني كانت قساوتهم على خاويي هي السبب ، وهذي من الاشياء الي اثرت فيه وانا ابو بحيث اني مااقدر اطق اي واحد من عيالي .
ومن الاشياء الي اثرت بنفسيتي انه لما سكنا بسكه وكنا صغار وكان من المعتاد انه مثل ما تذكرون التكبير ايام التشريق بالمسايد كانوا الاولاد الكبار هم الي يحقلهم يكبرون بالمكرفون وحنا صغار غير مسموح لنا ان نقترب
من المكرفون نكبر معهم ، وصرنا نخرب عليهم ونصايح من بعيد علشانهم ما يخلونا نكبر معهم ومره عرفوا اننا ناوين نخرب عليهم قام واحد من الكبار ولبد ورا باب المسيد ويوم دخلنا المسيد قام وصرخ علينا صرخه وحنا كنا خايفين نمشي على اطراف اصابعنا ، معنا واحد مسكين صغير طقتكه ام الركب ورطب هدومه بالنجاسه ، وصرت كل ما ذكرت الحادثه ارجف وتطقني النفاضه ودليت مده ما ادخل للمسجد وكل ما قربت للمسجد ارتعد .
مثل ما تشوفون كله تخرع بتخرع وهذي الحوادث اثرت بنفسيتي كثيرن واختم بحادثه سعيده
جرت ايضن بالمسجد كنا نعتقد اننا اذاحطينا ريشه نعام بصفحه المصحف تتوالد وتتكاثر ، ومره رويت هذي السالفه لمجموعه وقام واحد الله يذكره بالخير وهزأ بكلامي وانا اقوله ولك استغفر لا تقول هالحجي وهو يقولي انتا مخبل القران ما اقول فيه شي لكن شدخل القران بتكثير ريش النعام ، قلتله طيب خالناخذ مصحف ونحط فيه ريشه نعام ونشوف ، وفعلن حطينا مصحف ووزيناه بمكان جنب المنبر وحطينا فيه ريشه نعام ، وبعد مده فتحناه ولا الريشه صايره ثنتين هو استغرب لأنه هو الي وزى المصحف بمكان انا ما اعرفه وصدق هالكلام وانا حبيت كتاب الله وصرت احببه وهو زاد اعتقاده بالقران وبعدين قال لي واحد من الربع انه هو الي حط ريشه ثانيه بالمصحف علشان ذاك الولد يزداد تأدب مع القران لأنه يقول انه حس بانه عنه ميول شيوعيه ، وهذي من الحوادث الي اثرت بنفسيتي كثيرن
لعلي اطلت ولكن حلاوه هي الذكريات والاحلى لما تتكلم عن حوادث اثرت بتفكيرك وبقالب شخصيتك
ودمتم
شي كنت افكر فيه من زمان وما كنت اقدر اعبر عنه لأني ماني عارف اشلون اعبر ، ادخل بالموضوع مباشرتن علشان ما يطول الحديث ، اقصد اننا كلنا نشارك بالكتابه عن التراث ولكن مشاركاتنا كلها احداث واقعيه تمت ولكن من النادر ان يكتب شخص عن الحوادث الي اثرت بشخصيتيه ، ولهذا حبيت اكون البادي بالموضوع وودي ان اي احد يقدر يشارك بهالمجال يتفضل عشان تتشعب المشاركات وتعم الفائده
يقولون الي ما عنده دار كل يوم له جار ، وحنا صغار ما كان عندنا بيت ولذلك تنقلنا لبيوت وسكك عديده بزبير وزاملت اولاد كثير وتعرفون اول كان الجار جار يعني الوقت الي تقضيه عند جيرانكم اكثر من الوقت الي تقضيه في بيتكم ، وكانوا الجيران يعاملونا مثل اولادهم بالثواب والعقاب يعني عادي الابو يطقك طق سنه بساعه اذا شافك تسوي غلط ، يعني مره انا كنت وولد جيراننا نطير طياره وقلتله اتراهني امشي على الطوفه وانا رجع على ظهري وبيدي الطياره ، وبديت اسويها ودخل العم للبيت وشافني وقالي ولك شتسوي انزل بسرعه وحتيت الدري ونزلت وقام وحصل لمه تيل يعني سلك ولشطني فيه لشطه طير عقلي ، وهو يقول اذا اهلك ما ربوك انا اربيك ، الطقه حرتني حيل وحقدت على ابو صاحبي ورحنا انا وخاويي وهو يواسيني ويقولي ما عليك اذا تبي تفلقه انا ما راح اعلم يقصد ابوه ، وخططنا لهذا العمل لكني كنت خايف انه يعرفني كانوا ابوه وامه قشران وكنت احبه وكان الله يذكره بالخير يعاني من قساوه اهله اكثر مني ، كانوا الله يسامحهم فاسيين جدن بتعاملهم مع الجميع وانا بالليل اذا جيت انام كله افكر شلون انتقم منهم واثأر لصاحبي وصدقوني كانت قساوتهم على خاويي هي السبب ، وهذي من الاشياء الي اثرت فيه وانا ابو بحيث اني مااقدر اطق اي واحد من عيالي .
ومن الاشياء الي اثرت بنفسيتي انه لما سكنا بسكه وكنا صغار وكان من المعتاد انه مثل ما تذكرون التكبير ايام التشريق بالمسايد كانوا الاولاد الكبار هم الي يحقلهم يكبرون بالمكرفون وحنا صغار غير مسموح لنا ان نقترب
من المكرفون نكبر معهم ، وصرنا نخرب عليهم ونصايح من بعيد علشانهم ما يخلونا نكبر معهم ومره عرفوا اننا ناوين نخرب عليهم قام واحد من الكبار ولبد ورا باب المسيد ويوم دخلنا المسيد قام وصرخ علينا صرخه وحنا كنا خايفين نمشي على اطراف اصابعنا ، معنا واحد مسكين صغير طقتكه ام الركب ورطب هدومه بالنجاسه ، وصرت كل ما ذكرت الحادثه ارجف وتطقني النفاضه ودليت مده ما ادخل للمسجد وكل ما قربت للمسجد ارتعد .
مثل ما تشوفون كله تخرع بتخرع وهذي الحوادث اثرت بنفسيتي كثيرن واختم بحادثه سعيده
جرت ايضن بالمسجد كنا نعتقد اننا اذاحطينا ريشه نعام بصفحه المصحف تتوالد وتتكاثر ، ومره رويت هذي السالفه لمجموعه وقام واحد الله يذكره بالخير وهزأ بكلامي وانا اقوله ولك استغفر لا تقول هالحجي وهو يقولي انتا مخبل القران ما اقول فيه شي لكن شدخل القران بتكثير ريش النعام ، قلتله طيب خالناخذ مصحف ونحط فيه ريشه نعام ونشوف ، وفعلن حطينا مصحف ووزيناه بمكان جنب المنبر وحطينا فيه ريشه نعام ، وبعد مده فتحناه ولا الريشه صايره ثنتين هو استغرب لأنه هو الي وزى المصحف بمكان انا ما اعرفه وصدق هالكلام وانا حبيت كتاب الله وصرت احببه وهو زاد اعتقاده بالقران وبعدين قال لي واحد من الربع انه هو الي حط ريشه ثانيه بالمصحف علشان ذاك الولد يزداد تأدب مع القران لأنه يقول انه حس بانه عنه ميول شيوعيه ، وهذي من الحوادث الي اثرت بنفسيتي كثيرن
لعلي اطلت ولكن حلاوه هي الذكريات والاحلى لما تتكلم عن حوادث اثرت بتفكيرك وبقالب شخصيتك
ودمتم