المربد
07-04-2004, 08:45
في موسم الكشتات ما تسأل الشباب وين بتروح آخر الاسبوع ولكن السؤال تبي تبات او تطلع الصبح او تطلع عقب ظهر، يعني مسألة الكشتة محسومة بالنسبة لهم.
سنة من السنين تجمعنا في سكتنا اولاد اكبرهم كانوا بالسادس ابتدائي قالوا نبي نطلع للبر كشتة وتشاوروا قالوا نطلع عقب الظهر.
طيب شلون بالسياكل او نستاجر عربانة ام حصان، طالعنا واذا السياكل ما تكفي على عددنا حتى لو كل واحد يردف له اثنين يصير ثقيل عليه.
قلنا نأجر عربانة ام حصان. جمعنا الحطـّـة، كان باقي عندنا من العيادي شوي، ورحنا عند سرى العرباين وتخيرنا وليد صغير واتـفـقـنـا معاه يجينا عقب الظهر مباشرة ونعطيه 150 فلس اعطيناه 50 فلس عربون مقدم والباقي عقب الكشتة.
ترى كل واحد يجيب بيالته وياه وما نحتاج صحون ولا خواشيق نحرك بعود من الاثل، ونبي اثنين يجيبون لنا شاي كل واحد يجيب شوي من بيتهم، وثلاثة يجيبون لنا شكر قلت انا عندي قوري اجيبه
ما صدّقت حطـّت الوالدة الغداء الا وانا ناسف غداي من غير علجّ ازرطة زرط واقوم واغسل ايدي بحنفية الدهريز من غير صابونة احسن عن المشق وركضة للشارع, واذا العربانة توها واصلة .!!
ولجّ خليدء وين اخوجّ قالت بعده قاعد يتغدى، عساه يطب ما يطلع.!! قالت لا تدعي على اخوي
وانت سويلم تغديت قال لا ابوي يتاخر اليوم بس انا اخذت لي خبزة ودهنة الراعي وشوية شكر فوقها وتغديتها ... زين سويت، ما يخالف
وين عزوز قالوا توّه هنيت(ن) وراح يجيب الدنبك،
وصل خليد اخو خليدء وجايب معاه بايسكله ، ولك وشو له السيكل قال ابي اتونس به بالبر.
دقيلس !! ولك انت ما حاط ايش جايبك؟
قال انا ابي اطلع على بايسكلي ما ابي منكم شيء. بس امسك بالعربانة وامشي معاكم.
من يقدر يجيب لنا بساط نقعد عليه
قال صويلح: انا اجيب واحد عندنا عقب طلعة اخوي مع ربعة بساط زايد.
ترى دحيم يقول لازم تمرون عليه علشان اجيب لكم برميل الماء ونترسه بالعربانة. والبعرصي يقول مادام دحيم ولد خالي معاكم انا تلقوني عنده
وما صدقنا الين تحركنا من السكة وطلعنا للبر ولك رويشد (الاشرم) تدل قال ايه
وصلنا اقرب اثل ونزلنا عنده وشـبـيـنا لنا عوادين وسوينا الشاي، والعربنجي فك الحصان من العربانة ووخره بعيد داخل الاثل علشان يرعى بهالعشب.
صويلح بدا يمارس هواياته بالعزف المنفرد على الدنبك.
خليد ركب بايسكله وقعد يتسابق مع دقيلس
تسلط النزغة سويلم وفـشــش تاير العربانة، ابن الزفـ....
ويـــــــــــــــــــــــــــــه !!
اغلبنا طالعين واهلهم ما يدرون، شـلـووووون ؟
ولك دقيلس خذ صويلح اردفه معاك وامش على هالياده لين توصل السفلت واشـّـر للسيارات بلكي احد يشيلكم وتوصلون قبل العشاء ترى هذا صويلح مدلل واهله يفقدونه.
العربنجـّـي قام يصيح ويلطم ولك شفيك قال ما صارت 150 فلس هسـّـا راح اخسـرها تصليح بنجـّـر ويمكن ينقرض التيوب بعد. طبعا التاير فيه كاندس ومربط ببراغي.
ولك حنا بيا حال وانت تلطم ، عاشور بعده ما ياء.
قم شد حصانك خلنا نلحق باقي الهواء بالتاير.
كلمن شال بيالته وكبينا الشاي على النار وشدينا الحصان وركبنا بالعربانة وشب العربيجي على الحصان طق لين وصلنا قبل دقيلس وخويه.
تمت وسلامتكم وآسف على الاختصار.
اطالع ولدي هالحين بالسادس ابتدائي ما يدل البقالة.؟؟؟
سنة من السنين تجمعنا في سكتنا اولاد اكبرهم كانوا بالسادس ابتدائي قالوا نبي نطلع للبر كشتة وتشاوروا قالوا نطلع عقب الظهر.
طيب شلون بالسياكل او نستاجر عربانة ام حصان، طالعنا واذا السياكل ما تكفي على عددنا حتى لو كل واحد يردف له اثنين يصير ثقيل عليه.
قلنا نأجر عربانة ام حصان. جمعنا الحطـّـة، كان باقي عندنا من العيادي شوي، ورحنا عند سرى العرباين وتخيرنا وليد صغير واتـفـقـنـا معاه يجينا عقب الظهر مباشرة ونعطيه 150 فلس اعطيناه 50 فلس عربون مقدم والباقي عقب الكشتة.
ترى كل واحد يجيب بيالته وياه وما نحتاج صحون ولا خواشيق نحرك بعود من الاثل، ونبي اثنين يجيبون لنا شاي كل واحد يجيب شوي من بيتهم، وثلاثة يجيبون لنا شكر قلت انا عندي قوري اجيبه
ما صدّقت حطـّت الوالدة الغداء الا وانا ناسف غداي من غير علجّ ازرطة زرط واقوم واغسل ايدي بحنفية الدهريز من غير صابونة احسن عن المشق وركضة للشارع, واذا العربانة توها واصلة .!!
ولجّ خليدء وين اخوجّ قالت بعده قاعد يتغدى، عساه يطب ما يطلع.!! قالت لا تدعي على اخوي
وانت سويلم تغديت قال لا ابوي يتاخر اليوم بس انا اخذت لي خبزة ودهنة الراعي وشوية شكر فوقها وتغديتها ... زين سويت، ما يخالف
وين عزوز قالوا توّه هنيت(ن) وراح يجيب الدنبك،
وصل خليد اخو خليدء وجايب معاه بايسكله ، ولك وشو له السيكل قال ابي اتونس به بالبر.
دقيلس !! ولك انت ما حاط ايش جايبك؟
قال انا ابي اطلع على بايسكلي ما ابي منكم شيء. بس امسك بالعربانة وامشي معاكم.
من يقدر يجيب لنا بساط نقعد عليه
قال صويلح: انا اجيب واحد عندنا عقب طلعة اخوي مع ربعة بساط زايد.
ترى دحيم يقول لازم تمرون عليه علشان اجيب لكم برميل الماء ونترسه بالعربانة. والبعرصي يقول مادام دحيم ولد خالي معاكم انا تلقوني عنده
وما صدقنا الين تحركنا من السكة وطلعنا للبر ولك رويشد (الاشرم) تدل قال ايه
وصلنا اقرب اثل ونزلنا عنده وشـبـيـنا لنا عوادين وسوينا الشاي، والعربنجي فك الحصان من العربانة ووخره بعيد داخل الاثل علشان يرعى بهالعشب.
صويلح بدا يمارس هواياته بالعزف المنفرد على الدنبك.
خليد ركب بايسكله وقعد يتسابق مع دقيلس
تسلط النزغة سويلم وفـشــش تاير العربانة، ابن الزفـ....
ويـــــــــــــــــــــــــــــه !!
اغلبنا طالعين واهلهم ما يدرون، شـلـووووون ؟
ولك دقيلس خذ صويلح اردفه معاك وامش على هالياده لين توصل السفلت واشـّـر للسيارات بلكي احد يشيلكم وتوصلون قبل العشاء ترى هذا صويلح مدلل واهله يفقدونه.
العربنجـّـي قام يصيح ويلطم ولك شفيك قال ما صارت 150 فلس هسـّـا راح اخسـرها تصليح بنجـّـر ويمكن ينقرض التيوب بعد. طبعا التاير فيه كاندس ومربط ببراغي.
ولك حنا بيا حال وانت تلطم ، عاشور بعده ما ياء.
قم شد حصانك خلنا نلحق باقي الهواء بالتاير.
كلمن شال بيالته وكبينا الشاي على النار وشدينا الحصان وركبنا بالعربانة وشب العربيجي على الحصان طق لين وصلنا قبل دقيلس وخويه.
تمت وسلامتكم وآسف على الاختصار.
اطالع ولدي هالحين بالسادس ابتدائي ما يدل البقالة.؟؟؟