مشاهدة النسخة كاملة : دندرة - ابو بدر
دندره
احيانا تسمع من المحطات والفضائيات ببعض اشعار او زهيريات
او ابو ذيات فيها من تكرار الحرف والمبالغة فيه لحد الفلسفة الزائدة
وقد يكون هذا من القدرة بمكان فى صياغة الحرف وتطويعة فى توظيفه لذلك
ومن فترة سمعت بعض هذة القصائد والزهيريات وكانت جميلة
فى حبكتها مما ثار لدى الفضول كيف اصبحت الوشوشة المتكررة
كلمات مرتبة وكذلك اخرى هى الجرجرة
فبزغت عندى شحنة زائدة تحتاج الى تأريض فمحاولتى قد لا تعجبكم
ولكن اعذرونى ان كنت . ....اخذت من وقتكم
ــــــــــــــــــــــــــــــ
ال- يدرى – يدري – وال – ما – درا– ادري – ما – دره ..... = يدري
وما – درا - درّن – بثغره – ودرر – داير – ما – دره .....= دائرته
دوّروا – بالدور - ودارين – والدوره –– وباندره .....= منطقة قرب بومبى
يا – ترى – ما درا – بثغره – در - ودرر
ــــــــــــــــــــــــــــــــــــــــــــــــــ ـــــــــــــــــ
ال يدرى يدري وال ما درا ادري ما دره
وما درا درّن بثغره ودرر داير ما دره
دوّروا بالدور ودارين والدوره وباندره
يا ترى ما دروا بثغره در ودرر
ـــــــــــــــــــــــــــــــــــــــــــ
اخوانى آآآآآآآسف لهذه الدندره
هذي اللي خل الامه تتخلف لوراء من كثره هـ الدندره
طول عمرنا نسمع حط الماي على الباجله
و نكررره و لا احنا عارفين الدندره
اللي ينحط الماي اول او الباجله اول
اللي موهق الامه هذي اللي كثر تشخبطها
كل ما تسأل ايش تقصدون و ضحولي المضمون
ردوي عليك ايش فهمك يا جاهله بالهـ دندره
هذي عالي المقام ما تفهمه
الا قريش و عترتها المصقله .
ودواوين و استراحات و مجالس و قعدات و تشنجات
وواحد مو قادر يسرع القصه يمط و يطول وتيبي الزبده
ويتم يقلب المسباح بيدينه وانت انسى القصه
و اتم احسب كم مره يمين و كم مره يسار و كم مره فرك ايدينا
يمـــــــــــــــــــــــــــــــــه
لحقي علي فكيني من خالي وولد عمي
علا الصراخ,, بكم اقول ,,و الظاهر بتوصل لمسيل للدموع
هذي اللي خل الامه تتخلف لوراء من كثره هـ الدندره
واللي الحين ما فهمت شيء
ملاااحظه
فطوم يلعن الحب شو بيذل
ابجي على البمبره
و ابجي على التينه
و ابجي على من ذبح قلبي بسجينه
جمله مفيده و هادفه
اتصور لو اليابان عندها مقاعد و مجالس للحريم و للرجال
يا ترى وصلو للي وصلنا احنا او كان احنا في المقدمه و متقدمين نقطه عليهم
هههههههه
اعتذر على الاطاله
أبو غايب
24-12-2005, 09:20
أخيي بوبدر ... حلوه هاذي الشبخطه ... حلوه هاذي الدندره ... ينطيك العافيه ...
قلمي أندكم بعدكم وما أنبـــرى
و جرحي كبير و ما أنـــبرى
وصلكم ليه مني أبتعد و تبرى
جسمي نحل و قلبه طلع بــره
حبكم سافر في بحره ونسى بره
ما عاد فايده من صفق أيديـــه تأليف : طلحه
هذي اللي خل الامه تتخلف لوراء من كثره هـ الدندره
طول عمرنا نسمع حط الماي على الباجله
و نكررره و لا احنا عارفين الدندره
اللي ينحط الماي اول او الباجله اول
اللي موهق الامه هذي اللي كثر تشخبطها
كل ما تسأل ايش تقصدون و ضحولي المضمون
ردوي عليك ايش فهمك يا جاهله بالهـ دندره
هذي عالي المقام ما تفهمه
الا قريش و عترتها المصقله .
ودواوين و استراحات و مجالس و قعدات و تشنجات
وواحد مو قادر يسرع القصه يمط و يطول وتيبي الزبده
ويتم يقلب المسباح بيدينه وانت انسى القصه
و اتم احسب كم مره يمين و كم مره يسار و كم مره فرك ايدينا
يمـــــــــــــــــــــــــــــــــه
لحقي علي فكيني من خالي وولد عمي
علا الصراخ,, بكم اقول ,,و الظاهر بتوصل لمسيل للدموع
هذي اللي خل الامه تتخلف لوراء من كثره هـ الدندره
واللي الحين ما فهمت شيء
ملاااحظه
فطوم يلعن الحب شو بيذل
ابجي على البمبره
و ابجي على التينه
و ابجي على من ذبح قلبي بسجينه
جمله مفيده و هادفه
اتصور لو اليابان عندها مقاعد و مجالس للحريم و للرجال
يا ترى وصلو للي وصلنا احنا او كان احنا في المقدمه و متقدمين نقطه عليهم
هههههههه
اعتذر على الاطاله
ـــــــــــــــــــــــــــــــ
واحد من ربعى عزوبى يشتغل ببنك ايام الستينات له براءة اختراع
يحط كل شى مع بعض الخضار واللحمة والرز ....وعلى الطباخ ( طباخ كيروسين )
ويقصر على النار ... اذا جاء بعد صلاة الظهر والا احسن (( كبسة )) .. .... المايكرويف .... مع عيال الوجبات السريعة
ـــــــــــــــ
يابنت عمى ليش هالدندره ماتعرفين العرف والعادة اقوى من القانون والدين
... ليش تزعلين؟ ......... شلون نصير عرب اصايل ( على وزن اهل الفعايل )
باللى يصير ندفع ونكسر خشومهم وناخذها ... بنت العم حتى لو عناد
.............
واذا ما عطونا قاطعناهم مقاطعة اسرائيل ايام زمان ........
ونغنى ياويلك ياللى تعادينا ياويلك ويل
ومن الداخل اغنى ( بحلم بيك ياحبيبي انا )
ـــــــــــــــــــــ
نحمد الله الذى لم يجعلنا يابانيون التفكير والدين
ولا احسن من امتنا .......... كثيرة .... وتعرف حدودها ...
مرآآآآآآة يادرة البحرين دندرتي طالت اعذرينى
اخى ابو غايب .شكر الله لك
دمت ياملح المرآآآآآة
سعيد انها اعجبتك .... وشكرا لثنائك
دندرتى يابو غايب موهو ((( شخبطه ))) شغل متعوب عليه ( تفصال )
....
تسلم ابو غايب
نسمة تراث
26-12-2005, 14:06
ـــــــــــــــــــــــــــــــ
يابنت عمى ليش هالدندره ماتعرفين العرف والعادة اقوى من القانون والدين
... ليش تزعلين؟ ......... شلون نصير عرب اصايل ( على وزن اهل الفعايل )
باللى يصير ندفع ونكسر خشومهم وناخذها ... بنت العم حتى لو عناد
تصدق هالجملة ذكرتني بواحد شفته اليوم راز صورته بالجريده ,,
وماله نفس حتي للمصور الي صوره يقولون عسي الله يغفر لنا و له شايف نفسه ( نفيييييييسه يعني )
مهندس و دارس بأمريكا وبآخر إسمه محطوط ال ,,,,, ( إسم قبيلة تهز هز كالعاده )
قعدت أتأمل و أكلم الي قالي
قلت تدري هالنفيسه و شوفة هالنفس وعلمه الي يتباهي فيه ,, وإلي على قولتكم موريكم بسببه الويل وصار يمشي
يا أرض تهدي ماعليكي قدي ,, تري كللللللل هذا محد يقدر عليه الا واحد من بعد رب القدره ,, هو شيخ عمموه برغبتهم شيخ ربما ما يفك الخط ولا له علاقه بالكتابة والعلم وعلاقته فيهم مثل علاقة برنا بسهول هولندا ,, فهم يحترمون كلمته حتي لو كانت غلط وما تلائم عقليتهم وثقافتهم وعلمهم وفكرهم و عاطفتهم
هالشيخ لو قال شي ينفذ ينفذ ..( الله أكبر ) ,,,
وين الهندسة , و الثقافه ,وين علم أمريكا ووخروا عن دربي
شي واحد ودى أشوفه بس ,,,,,,,هالنفيسه ساعتها وين بترووووح ؟؟
لا وودى آخذ نفس المصور يصور ملامحه بهذيك اللحظة
لما يقال له طبق وإلا ستعلن البراءه منك وبتنشال منك ال ......
خل نشوف ساعتها شهادته وين تنصرف و ياتري يلقي الماي الي ينقع فيه شهادته يمكن يقدر يشربه و يبلل ريجه ؟؟
دندرة سحبت دندره و الله يعينا على دندرة قادمه ( أقول نسمة ليش ما تسكتين أحسن وبلاها هالدندره ) ..
وسامحوناااااااااااااااااااااااااااااا
تحياتي .................
يا حليلك يا نسمه
ضحكتيني
هذا اللي تقولين عنه
في عهد الغابرين سالت عنه هند ولدها قالت من هذا الاعرج و اظنها قالت الاعور التي تركت صدر المجلس لتسير و ترحب به من اول الدار
رد عليها قائلا هذا ورائه الوف الالوف من السيوف اذا غضب غضبت دون ان تعرف السبب
لو شفتيه يا نسمه يمكن تحطين يدج بمخباتج و تعطينه عشره علشان الله يفك ضيقته وهو وراءه السيوف ولكنني في ذلك الوقت نسيت ان اعد أُعد الرماح و عدد النبالين و عدد شعراء الهجاء الذين اذا هجوا طاحت سمعت القبيله
آآآآاسفه قلبته مسلسل اسلامي تاريخي
او عنتر و عبله قبل الاسلام
و حبذا لو يكون ساري العدّواني
اهنيك بالعام السعيد عام 2006
واهني الجميع
نسمة تراث
26-12-2005, 15:13
والله الهجاء يخوف يا مرآة ,,
إنتي لو قارية الهجاء الي قريته في كتاب المرأة في الشعر الأموي كان ما لمتيهم شي يخوووووووووف .. :sofa:
أقول مرآة شرايج نتخفي وناخذ المصور ونروح لإجتماع مهندسنا ( خريج أمريكا حفظيها لا تنسينها ) ونشوفه وهو واقف يبولع بريجة جدام هذاك الشيخ و أيضا نتسمع للحوار ..( ترى مو تجسس لا لا لا ,,, بس شي لزوم الشي وعند الضرورة )
و دي من قلب أصوره و أصور ملامحه ,, وعقب نكشف أنفسنا و نقوله أفاااااااااا يا فلان هذا أنت !!!!!!!!!!!!
لا و إن بغينا نصير ريا وسكينه نهدده بالصوره والفيلم ( شهالإجرام يا بنات الخليج منين يايبينه ) :smile111:
أقول مرآة كأني أشوف أحد قاعد يسن أسنانه ويقول شعند بنات البحرين و الكويت قلبوها شات وتخربط :zakia:
تدرين فيه كوفي شوب جديد فاتح ,, شرايج أعزمج و نشرب أحلي قهوه أمريكية والا ايطالية مو مشكله المهم قهوه تعدل الراس ,,ونكمل سوالفنا على الراحه ,و عقب نمر نشوف لنا فيلم واقعي وخلج من مسلسلات الفانتازيا ,, :smile009::mf_swordf
وكل عام وإنتي والجميع بخير وصحه وسلامه ياااارب
s07:heart-2:s01s10
تحياتي ...............
قلمي أندكم بعدكم وما أنبـرى
و جرحي كبير و مـا أنبـرى
وصلكم ليه مني أبتعد و تبـرى
جسمي نحل و قلبه طلع بـره
حبكم سافر في بحره ونسى بره
ما عاد فايده من صفق أيديـه
ـــــــــــــــــــــ
ابوفيصل
الناس تقدمت وصارت ما تكتب... (بالرصاص ) والرصاص له استعمالات اخرى
ودندرتك .. معروفة ...ودواك عندى
القميص اللى تخبره ادرع فيه ... وهالايام كرسمس ( عطلة )
.... والخطوط لكل مكان تروح ... وكل ايام الله عيد ... مادام جيبك عامر
وخذ معك سجادتك وساعة الصلاة
الله وكيلك جرحك ينبرى
ولا تنسانا من الصوغة
شكرا لبردكم والجحيل اللى عندكم درجة الحرارة بالرياض سبعة
قلمي أندكم بعدكم وما أنبـرى
و جرحي كبير و مـا أنبـرى
وصلكم ليه مني أبتعد و تبـرى
جسمي نحل و قلبه طلع بـره
حبكم سافر في بحره ونسى بره
ما عاد فايده من صفق أيديـه
ـــــــــــــــــــــ
ابوفيصل
الناس تقدمت وصارت ما تكتب... (بالرصاص ) والرصاص له استعمالات اخرى
ودندرتك .. معروفة ...ودواك عندى
القميص اللى تخبره ادرع فيه ... وهالايام كرسمس ( عطلة )
.... والخطوط لكل مكان تروح ... وكل ايام الله عيد ... مادام جيبك عامر
وخذ معك سجادتك وساعة الصلاة
الله وكيلك جرحك ينبرى
ولا تنسانا من الصوغة
شكرا لبردكم والجحيل اللى عندكم درجة الحرارة بالرياض سبعة
يبه أبو بدير الورده
قميصك هذا صار أغلى من قميص عثمان....
ودي أطلبه منك طلب و أرده لك مغسول و مكوي....
لا تدير بال عندي عرض طيب لك قل تم :-
نروح أنا وياك للشرق الأقصى بالنسبة للقميص أنت ألبسه في النهار و أنا ألبسه في الليل....
تري Package زاهب ها شقلت... وترى شور أم بدر ضروري...
يبه أبو بدير الورده
قميصك هذا صار أغلى من قميص عثمان....
ودي أطلبه منك طلب و أرده لك مغسول و مكوي....
لا تدير بال عندي عرض طيب لك قل تم :-
نروح أنا وياك للشرق الأقصى بالنسبة للقميص أنت ألبسه في النهار و أنا ألبسه في الليل....
تري Package زاهب ها شقلت... وترى شور أم بدر ضروري...
و الله لا فتن عليكم عند الاداره و عند ذاك اللي يبرونه بالمبراة
و عرضي يا طلحه الخير ما صلح لك ما رديت عليي معليش
الظاهر ان قميص بو بدر صار احلى من قميصي
بس انا قميصي مكتوب بلغات العلم
اي ما كنت تنحكر بلغه ...فاتك
و الحين كريسمس و نيو ير افواج السياح عاد حدث لا حرج
أختي مرآة
أنت مشكاة
أذبحي شاة
بالعيد والمكشات
خبري بك حبابه وما أنتي فتينيه....
ترى مالي خلق خيزارنة المشرف تراها تعور خاصة هو منقعها بماي و ملح و البرد عندنا بالرياض يقص قص..
أما خاوينا القلم جيبه مبقور
فحدثي و لا حرج يلسع بثبور
مثل الزنبور
بالكلام المجبور
يلف و يدور
ويثعور
بخور لكنه منصور
وانا مصاب بالدبور
لكن منهو المسعور
أظنه حفار القبور
منتظرين رد أبو البدور
وشكرا لمداخلتك يا فاكهة المرآة...
ردا على نسمة ودندرتها الاولى والثانية
السوالف كثيرة ومن هالمال حمل جمال
انت لوما هالعادات والتقاليد ماصرت داخل معمعة المرآآآآة
ليش تركت كثير من المنتديات وانضميتى لعيال عمك
انت حكرا من الداخل لهذه الحدود
حتى وان كان تمردك عبر الشاشة فلن تخرجى من بيتك الى ابعد من القبيلة ...
والا اللى نشوفهم بالصور .... وفلان مهندس وفلان ضابط وفلان شيخ ...
ليس بالشكل بل بالفعل ... اضافة الى الرصيد....
دندلرتك ربما فيها من الصحة من جهة وربما تكون .... يعنى
شكرا لدندرتك يانسمة..... هل تذكرت انك تكتفين برد بارد ( الله يعطيك العافية )
نعم ثبت ان الرد الغنى بالدسم يأتى بالزبدة..
اليس كذلك يانسمة... ؟
بو بدر
النيـادة
31-12-2005, 08:36
ـــــــــــــــــــــــــــــــ
يابنت عمى ليش هالدندره ماتعرفين العرف والعادة اقوى من القانون والدين
هلا والله بأخوي ابا بدر
معليش تحمل حلطمة أخوك اللي يحبك في الله.
تعليقاً على الجملة أعلاه التي أعجبتني وجعلتني أتحلطم وأدندر,,,
كلنا نعرف أن العرف هو عرف الديك,,وأذا كان مقطوع شوي يصير الديك يأذن على توقيت جرينتش.
بس ودي أعرف كيف أصبحت هاتين الكلمتين أقوى من القانون والدين ,,, إلا عند من لا يفقهون لا بالقوانين ولا بالدين شئ,,يعني أميييون وجهله حتى النخاع ( عمووه على قول أختي نسمة) ويأخذون الأمور سماعي وعلى عماها مثل مايقولون,,يعني بالعربي ماعندك أحد,,وهم بالأمس كادوا يأكلون التراب من شدة الفقر,,وكانوا يغيرون ويسلبون بعضهم البعض,,,يعني حراميه (أحلى يارمز العروبة).
أخوي أبو بدر,,تصدق خليتني ما ألوم أبو جهل وأبو لهب بسبب تمسكهم بالعرف والعادة ونبذ الحق,,على حساب العقل والدين.
هل ترى فارق بين عمووه والجاهلية الأولى في وأد البنات!!!!!!!
أخوك النياده
نسمة تراث
31-12-2005, 13:30
أخوي بو بدر سااااعات قليلة وقليلة جدا الي يطلع مع نسمة فقط (يعطيك العافية )
يقولون عندى مطبعة جرايد ( ياكثر ما يقولون )
بس والله ودى بمطبعة عندى كلام واااااايد s15
بعض المواضيع أحس إن الصمت أحسن
و بعض المواضيع أتخيل من طول تعليقي إني أسمع ناس تتحلطم من بعييييد وتقول ( نسمة ,, بتر ون يو سوالو يور هيليثنس ) / بالنجدى إبلعي العافية أحسن لج ..:lamo:
بالعينها من سنيييين وياما غصينا ومحد تكرم علينا بكلاس ماي ,
سأشوي أستاذي المنتديات حليوه وطيبه وخلتنا اندندر على راحتنا ,,,,:spor:
جزاه الله خير يا ولد عمي إلي إخترعها .بس أبشرك محلقين بعالمها بفضل الله ,,,
ومع هذا ما راح أنسي المثل الي حفروه بمخنا
أنا و أخوي على إبن عمي و أنا وإبن عمي على الغريب .
يا حافظ كله علي علي ماكو مع ( إنا لله ) :starwars:
أخوي النيادة الحمد لله إلي الاستنساخ ماكان موجود بوقتها
والا كانت مصيبة لو إنتشر بينا ملايين و ملايين من عينة أبو جهل و أبو لهب ..
اعتقد أشياء وايده كانت بتحصل .
أقلها كان إفتكيتوا من نسمة لأنها مستحيل بتدل طريق المنتديات أو بتعرف تكتب حرف واحد ..:vis:
تحياتي وتقديري واحترامي .
تحياتي ...............
أولاد عمي
شالسالفه وعسى ماشر
اشوفكم صار لطم خدود وقلبتوها حسينية
الله المستعان والله يسترعلى مستقبل عيالنا
كانني اشوف مستقبلهم القريب وهم متحررين لابعد الحدود
أيها المستشار
لقد فتحت بابا موصدا ...!
ما أوجه الشبه بين الدندرة والدندنة ...؟!
طلحة المعلن افلاسه
هل صحيح ماعندك غير نصف رغيف ستتقاسمه انت وتراثك ( منهو تراثك )
شلون تريدنى ان اذهب معك مانلبس غير هالقميص ؟
شلون ...... والا شلون ؟ واحد بالليل وواحد بالنهار ( شنو ماعندنا هدوم ؟
مو المرة قالت لك عندى قميص ( دراعة ) مكتوبة بكل اللغات
..... لعلمك مارضت ام بدر ان اروح ويّاك قالت هذى ايام الناس تهلل وتكبر .... انثبر
اخوك خنس ولا كلمة...قلت اعطيك القميص واستغفر الله ... وشف لك سايح يطر اعطه ايّاه
اما ( المنظرة ) انا اوريك فيها هلى بس تفتن .. اشيل زيبقها...
طلحة يمنا مخبز فاتح جديد اسبوع ببلاش... لحق قبل لا تسافر
أخوي الفاضل أبو بـــدر
تلومني لما بزود أنقهـــر
لمن ما تروح معي للسفر
خنيبيجاتك تونس و أكثـر
أتقاسم خبيزتي كل العمر
ويا تراثي الحبيب المعطر
القميص يكفينا طول الشهر
لك الأردان ولي الصــدر
دراعة مرآة تلبسها ما تقصر
ولو عليها كل لغات الكفـــر
كلام أم بدير صح وما يضر
نسافرلمن تخلص الناس التكبر
مالي شغل بكلمة أم بدر أنثبر
أو تعطيني القميص و تستغفر
وين ألقى هالأيام سايح يطــر
مرآة لما تشيل زئبقها تهج وتفر
مخبزك هذا ما يكفي بيت الفقر
أيها المستشار
لقد فتحت بابا موصدا ...!
ما أوجه الشبه بين الدندرة والدندنة ...؟!
ــــــــــــــــــــــــ
سدنا المنيع ابو على
اللهم افتح لنا ابواب رحمتك
الدندرة حسب علمى هى (( التحلطم )) الكلام الغير مفهوم للاخرين
اما الدندنه هى ( التونون ) على انغام ( موزارت ) والا محمد زويد
اغنية وردة ( الدندنة )) ايام زمان ( ياملا )الناس كلها تدندن
شكرا ابو على
أولاد عمي
شالسالفه وعسى ماشر
اشوفكم صار لطم خدود وقلبتوها حسينية
الله المستعان والله يسترعلى مستقبل عيالنا
كانني اشوف مستقبلهم القريب وهم متحررين لابعد الحدود
ــــــــــــــــــــــ
هلا بولد العم
ما عليك الربع متعودين
وشمدريك عن مذاهبهم يمكن صوصهم على مذهب (ثجيلة ) هذا اسم ورد فى قصيدة سالم الحميد
اخى ... لاتكثر الدندرة ....الرزاق الله .. وهو خير الحافظين
شكرا بمرورك