المربد
27-03-2004, 13:38
ما اطول عليكم السالفة
دخلت ليلة الجمعة واذا برطم ام جواد طوله نص متر، من الزعل
قلت لها: هاه سلامات؟، شكو؟، شصاير؟، شــســـامعة؟
قالت يا بو ....: عقب هالعشرة وهالمدة اكتشف ان عندك وحدة ثانية...!!!
شلووووووووون؟؟؟؟؟؟؟ فــكـــيـــت حلجي وعـيــونــي.
قالت اليوم انت ما رحت للاستراحة وصار لك كم اسبوع تبات ليلة تقول انك بالاستراحة، واسمع مكالماتك هالايام كلها نحط لها،، ونعدلها،، وصارت شـزيـنـها، والذهبي والفضي...،،!!!
(( إيـــــيــــــــيــــــــــيــــــــــه اشـــوى الحين عرفت السالفة.،،، ))
قلت : وبعد ايش ملاحظاتجّ،
قالت وصار لك كم يوم بالك مدري شلونه ، وحاط لك دفتر وقلم ما يفارقك حتى عند الفراش بكل مكان تقعد من النوم تكتب لك سطر وترجع تنام
قلت والحين شــســـّـوات،
قالت ابيك تعلمني ،
قلت لها يا بنت عمي يا ام جواد تعوذي من الشيطان ، وارتاحي ، وبعدين انت تعرفين اللي يتصلون علي يا .... (القلم) يا .... (عبداللطيف).
قالت منين جانا البلا الا من هذولي الشكولات؟؟ عابت وبلت !!!! (وبدات بسلاح الدموع علشان ما اقول شيء على هجومها على ربعي)
انا طبعا ارتخيت يوم شفت الدموع، قلت يبه السالفة وما فيها ان المسألة كلها موقع انترنت اسمه مرآة الزبير ،،،!!! وهي اللي صارت شزينها وهي اللي نحط لها ونشيلها ووو... واذا ماتصدقين اتصلي على ام جواد حق القلم التراثي .
ما اطول عليكم السالفة.
اتصلت على ام جواد القلم قالت ام جواد القلم نعم صحيح والحمد لله على هالنعمة ...!!!
شلون؟
قالت ام جواد القلم صار ابونا يسهر عندنا وما يطلع للاستراحات ويسولف علينا من سويليفات الزبير وذكرياتهم الحلوة ويقول ان الربع اللي معاهم كلهم ايواد وسوالفهم نظيفه احسن من الاستراحات وريحة التتن اللي قبله متبخر به.
عاد انا بديت اشوف الدموع وقفن، والبرطم بدا يرجع الى قواعده سالم، وشوي شوي سوالف ام جواد القلم غيرت وجه ام جواد حقتي.
طبعا انا بدوري اتصلت على اخونا القلم وحملته رسالة شكر الى ام جواده لأنها فكتـني من ازمة اجتماعية كادت تودي بي.
ضحك اخونا الكبير وقال صحيح هي قالت لكم هالشكل؟؟
قلت صحيح، قال لكنها امامي بس تسب وتلعن بالكمبيوتر واللي اخترع النت.
قلت له
ان كيدهن عظيم !!!!!!!!!!!!!!!!!!!!!!
دخلت ليلة الجمعة واذا برطم ام جواد طوله نص متر، من الزعل
قلت لها: هاه سلامات؟، شكو؟، شصاير؟، شــســـامعة؟
قالت يا بو ....: عقب هالعشرة وهالمدة اكتشف ان عندك وحدة ثانية...!!!
شلووووووووون؟؟؟؟؟؟؟ فــكـــيـــت حلجي وعـيــونــي.
قالت اليوم انت ما رحت للاستراحة وصار لك كم اسبوع تبات ليلة تقول انك بالاستراحة، واسمع مكالماتك هالايام كلها نحط لها،، ونعدلها،، وصارت شـزيـنـها، والذهبي والفضي...،،!!!
(( إيـــــيــــــــيــــــــــيــــــــــه اشـــوى الحين عرفت السالفة.،،، ))
قلت : وبعد ايش ملاحظاتجّ،
قالت وصار لك كم يوم بالك مدري شلونه ، وحاط لك دفتر وقلم ما يفارقك حتى عند الفراش بكل مكان تقعد من النوم تكتب لك سطر وترجع تنام
قلت والحين شــســـّـوات،
قالت ابيك تعلمني ،
قلت لها يا بنت عمي يا ام جواد تعوذي من الشيطان ، وارتاحي ، وبعدين انت تعرفين اللي يتصلون علي يا .... (القلم) يا .... (عبداللطيف).
قالت منين جانا البلا الا من هذولي الشكولات؟؟ عابت وبلت !!!! (وبدات بسلاح الدموع علشان ما اقول شيء على هجومها على ربعي)
انا طبعا ارتخيت يوم شفت الدموع، قلت يبه السالفة وما فيها ان المسألة كلها موقع انترنت اسمه مرآة الزبير ،،،!!! وهي اللي صارت شزينها وهي اللي نحط لها ونشيلها ووو... واذا ماتصدقين اتصلي على ام جواد حق القلم التراثي .
ما اطول عليكم السالفة.
اتصلت على ام جواد القلم قالت ام جواد القلم نعم صحيح والحمد لله على هالنعمة ...!!!
شلون؟
قالت ام جواد القلم صار ابونا يسهر عندنا وما يطلع للاستراحات ويسولف علينا من سويليفات الزبير وذكرياتهم الحلوة ويقول ان الربع اللي معاهم كلهم ايواد وسوالفهم نظيفه احسن من الاستراحات وريحة التتن اللي قبله متبخر به.
عاد انا بديت اشوف الدموع وقفن، والبرطم بدا يرجع الى قواعده سالم، وشوي شوي سوالف ام جواد القلم غيرت وجه ام جواد حقتي.
طبعا انا بدوري اتصلت على اخونا القلم وحملته رسالة شكر الى ام جواده لأنها فكتـني من ازمة اجتماعية كادت تودي بي.
ضحك اخونا الكبير وقال صحيح هي قالت لكم هالشكل؟؟
قلت صحيح، قال لكنها امامي بس تسب وتلعن بالكمبيوتر واللي اخترع النت.
قلت له
ان كيدهن عظيم !!!!!!!!!!!!!!!!!!!!!!