وشنطبخ غدانا اليوم

" يَا أَيُّهَا الَّذِينَ آمَنُواْ كُلُواْ مِن طَيِّبَاتِ مَا رَزَقْنَاكُمْ وَاشْكُرُواْ لِلّهِ إِن كُنتُمْ إِيَّاهُ تَعْبُدُونَ"
( البقرة 172)
أخي العزيز / أختي العزيزة ...
كثيراً مانسمع عبارة " وشنطبخ غدانا اليوم " ونعلم إن هذه في الحقيقة معاناة كبيره يعاني منها خاصة ربات البيوت حيث لمست ذلك من خلال زوجتي العزيزة عندم تتصل فيني بالشغل وتقولي يأبو فلان وشتحب أطبخ لك اليوم غدا !!! أنا أدري هذا ماهو كله دلع لي الله يجزيها خير بس تبي هي تتذكر وتتفتك من هذا الهم اليومي ( بيني وبينكم الله يعين حريمنا علينا وعلى دعالتنا ... طبعاً موكل الرياييل ) المهم ماودي أطول عليكم ، الزبدة انه رغبة مني في الإيعانة والتذكير لحريمنا الطيبات لإعداد وجبة الغدا الزبيرية التقليدية المعتادة . وحسب مايقولون " أن أقرب ما للمره الى قلب رَيلها هو بطنه " بس أنتبهو لايكون الخدامة هي الي تطبخ !!!
وفي مايلي مجموعة من الاطباق التي يمكنكم الإستعانة فيها لإعداد وجبة الغدا متمنين لكم الهناء والعافيه.

مطبق لـحــم
مطبق دجــاج
مطبق سمك
مـجبوس لحم
مـجبوس دجاج
روبيان ( مطبق أو مـﭼبوس )
برياني لحم
برياني دجاج
رز بالشبنت والباجلاء
رز أبيض مع شوربة عدس
مقلوبــة
اموشــه
معدســة
مطمطــة
شـــلـه
جريش ( منهنه أو مضروب)
باجـة
محمر ( سكر أو تمر ) مع قروص البيض
دولمة ( سلك أو ورق عنب أو لهانه )
دولمة جريش
مرقوق
هريس
سمك عرقة
روبيان عرقة
قبوط عادي أو محشي
مرق شبزي ( مع لوبا أوبطاطس أوقرع أوشلغم)
مرق قــرع
مرق بتيته (بطاطس)
مرق باذنجـان
مرق فاصوليا يابسة أو خضرا
مرق ياقطين (شجر أو حجي أحمد)

مرق كـفـتـة
مرق زهـــره
مرق خضار مشكل
مرق باجـــلا
مرق كوســة
مرق بربيــل
مرق خيـــار
مرق طرشانه
عصيدة بالبيض
التشريبة بأنواعها
محروق صبعه
معكرونية

هلا بالولهان
شكلك من الجنرالات بالبيت . ما يطبخون الا يدقون عليك ؟؟

الرجاء مراجعة الموضوع على هالرابط لو سمحت:

http://www.miraatzubair.com/vb/showthread.php?s=&postid=1405#post1405

وبالتوفيق

أُوب .. أُوب .. أُوب ..

مو معقولة يا جماعة ، منيو زبيري خمسة نجوم ..

طبخات تفتح الشهية ، ولكن وين طباخات الأمس ..

اليوم أكثرهن يعرفن يطبخن ( أندومي ) ..

ومع الأسف حتى الرجال ، صارت طبختهم المفضلة ( أندومي ) ..

المربد ..

ليش تحط هذا الرابط للرجال .. شنهو قصدك .. ؟

أنا عارف تبي توهقه ( ياحبك للحرشة ) .. pi_devil.g

حبيبي الولهان
والله شهيتني و البطين خويلي لكن تبي الصج وألأ أخوه هنيالك بأم عيالك اذا تطبخلك كل هذه الأنواع ( عيني عليها بارده من الحسد ويخيلها ربي لك)
لكن أقول لك كلمة عساك ما تعزم رياييل وايد و كل ساع.

أخوك حار البطن / طلحه

اخوي الولهان الله يمسيك بالخير

انا كنت بالعزبه لما يصير يومي بالطبخ اسويلهم تمن ابيض والمرق قوطي فتصوليا اكبه بالجدر واحميه حتى اصابنا ملل ( بسم الله على نعمه الله ) من ريحه الفاصوليا

لكن بيني وبينك تراني اخوك عتيج حيل الطرشانه شنهي هي ديج الي جنها كشمش بس سوداء وجبيره


التوقيع
وحش التاوه وبس

يالحبايب حنا حطينا هالقائمه ( المنيو ) على قول الحبيب التراثي لتذكير الحرييم فيها وحنا عارفين ماكل مايتمناه البطن يلهفه بس سددو وقاربوا والصراحة حنا لو انحصل عشرة بالميه من هذي القائمه فحنا بخير ويقول راعي المثل ان طاعك الزمن والا طعه وسلامتكم.

حياك الله ياخوي البيك (وحش التاوه ) حلوه هذي!!!
الطرشانه يالحبيب هي المشمش المجفف وتسخدم كمرق شي يهبل جرب مثل ماجربت الفاصوليا بالعزبه وسوف تجد مايسرك وبالهنا والعافيه ..

لحظه يالربع موجني صرت فاطمه حسين حقت الكويت!!!

ويلاااااااااااااااااااه ... سعابيلي قامت تقطر من حلجي ... والله أني قمت أتشهى من اليوع ... جزاك الله خير على هذا المنيو الحلو اللي يسهل علينا الجملة اليومية المعتادة ... شكراً لك ...

السلام عليكم

أخوي ولهان
قبل كل شي هيجت أشجان البطون ، الخيال شغال ، مع أننا فعلآ
تعاني زوجاتنا ربما جميعنا من صعوبة إجابة السؤال شتبي الغدا
اليوم !أحيانآ تسألك وأنت تتريق أو إذا كانت مجتهدة تسألك بالليل ،
لأن أثنينكم في الدوام بكرا ..

أخوي ولهان
قائمة مثل ما قال التراثي طعش نجوم .....لكن :

وين
الباميا ؟؟؟؟؟؟؟؟
إذا نسيت سيد المرق بالصيف شتاكل ؟؟!!

أخوي البيك ولا يهون الحبيب ولهان :
الطرشانه هو يعني مرق ( القيسي ) أي المشمش بالتركية ، وهو
من المروقات التي تشيع في العراق ..

بعدهناك مرق تفاح ( أبو فسيوه ) (( بعض الحريم اللي ما سمعن به
يبي يشمأزن من هالأسم ---!! فأنا آسف ، لكنه هكذا يسمى ))
تفاح صغير أخضر حامض وحامض حلو .................!!

بالهنا والشفا

وين بناتنا وأمهاتنا الجديدات عن هالحجي ...............؟؟

تحيه لاخونا العزيز عبداللطيف
شكرا على مرورك واطرئك
اما بالنسبه للباميه فقد سقط سهوا والحقيقة ان الباميه ملك وسيد الأطباق بدون منافس واما للتفاح ابو افسيوه يجب فعلا ان يلحق بهذه القائمة .
وعلى ألأخوة الي يذكرله طبخه فليضيفها لاني اعلم باني لا اذكركل الطبخات...
وعلى فكره يالربع تراني ماني كبير بالحيل وزين مني اذكر هذي الأشياء
( الرجاء عدم الدخول على ملفي علشان ماتفضحونا والعمر تراني مسحته)

شنهو هلــ يوووووور ..
الطرشانه ، ما تعرفهاااااا .. يمه منك smil80

أخي الولهان ..

ياليتك تضيف لطبلون المنيو ( مرق يخني ) ..
تراه بسرعة 10 داقائق ويكون جاهز ..

السلام عليكم
نصيحة للأهمية :
انصح بقراءة هذا الموضوع بعد الوجبة الرسمية مباشرتاً ، مع عدم قرائته على بطن فاضيه على هذا لزم التنويه
مو والله استحيت من مديري قاعد ايكلمني وبطني إيغرغر من قريت موضوعك
بس الصراحة خوش موضوع أبي أطبعه واعطيه للوالده
اخوك ولد الديره

مشكله فضحت نفسي كان اقول اطبعة واخذ القائمه لام العيال ، يس مايخالف اسوي مثل ولد الديره اوديها للوالده واخليها توزيها عن الحجي.

كنكم نستوا مرقة الشبزي مع( الوووووباه ) بالعامية الله يحفظ أمهاتنا هن اليعرفون يطبخونها وبس ولا حرين ها الوقت الله يعينا ( الكبسه ) وبس . بعد ماغيرو أسمها


ساهر

اكلات تفتح النفس ومرتبه تمام ويمكن انت نسيت المطمطه ولا هي اكله غير زبيريه

ولهان

السلام عليكم ورحمة الله وبركاته

أشكرك على هذا التعريف بأكلاتنا الشعبية ولو أنك ذكرت طريقة طبخها أو قلت من يعرف طريقة طبخ هذه الأكلة لعمت الفائدة وبالذات يوجد بعض الرجال خاملين لا يجيدون طبخ الشعبيات

طيب لعلي اسألك سؤال :

هل تعرف طبخة " المفروكه " ؟
لماذا نسيتها المسكينة ؟
يمكن هي يتيمة في وجبتها

يوه هاي شنو هاي هذا صاحبكم الي اسمه التراثي شبيه ، ليش ما يعرف انو اني من سكان محله الباشا بالبصره ، بس عيوني لمن هاي ابو خالد قال الي ان الطرشانه عدكم بزوبير هي مرق القيسي هسا افتهمت ، راح اقول لأخواني اوس( المربد ) ولؤي (طلحه ) هاي اسمائهم الحقيقه طبعا لأن هم هما مايعرفونها

تكفى يا باهر !!!!!