في الحب :



بعد 6 أسابيع : أحبك .. أحبك .. أحبك
بعد 6 أشهر : طبعا أحبك
بعد 6 سنوات : يااالله .. لو ما كنت أحبك ما تزوجتك






أول ما يدخل البيت :


بعد 6 أسابيع : حبيبتي .. أنا وصلت
بعد 6 أشهر : سلاااام .
بعد 6 سنوات : شنو طبخت لنا أمك اليوم ؟




الهدايا :


بعد 6 أسابيع : أتمنى يا حياتي أن يكون الخاتم أعجبك ..
بعد 6 أشهر : اشتريت لك لوحة .. تناسب للبيت ..
بعد 6 سنوات : خذي هالفلوس.. واشتري لك هدية تناسبك


عن الطفوله

بعد 6 أسابيع : أوووه .. كانت طفولتك صعبة وايد ..
بعد 6 أشهر : يا إلهي عندك أم صعبة جدا
بعد 6 سنوات : لم أر في حياتي بنت تشبه أمها مثلك




يرن التلفون :


بعد 6 أسابيع : يا روحي .. تلفون لك ..
بعد 6 أشهر : خذي .. لكِ ..
بعد 6 سنوات : تلفوووووووووووووووون


الطبخ :


بعد 6 أسابيع : ما ذقت في حياتي ألذ من طبختك ..
بعد 6 أشهر : شنو بناكل اليوم في عالعشا ؟
بعد 6 سنوات : يووووووووه مره ثانيه نفس الأكلة




في الإعتذار :


بعد 6 أسابيع : أوه يا حبي .. لا تخافي .. هذا ماراح يترك أثر سيء في قلبي ..
بعد 6 أشهر : إنتبهي ولا عاد تعيديها
بعد 6 سنوات : صحيح أنك ما تفهمين




شراء فستان جديد :


بعد 6 أسابيع : ما أروعك يا حبيبتي .. كنك ملاك بفستانك هذا ..
بعد 6 أشهر : هل اشتريت فستانا جديدا مرة أخرى ؟؟؟
بعد 6 سنوات : كم كلفك هذا الفستان ؟




مخطط رحله:

بعد 6 أسابيع : اشرايك بقضاء عطلة بجنيف أو أي مكان تختارينه
بعد 6 أشهر : ماذا يعني لو سافرنا هذا الصيف إلى أنقرة عن طريق الترانزيت ؟
بعد 6 سنوات : رحلة يعني مايعجبك بيتنا كفاية ؟


على التلفزيون :

بعد 6 أسابيع : على أي قناة تحبين نسهر ؟
بعد 6 أشهر : أنا أحب هذا الفلم ..
بعد 6 سنوات : إذا لم يعجبك روحي نامي وبسهر بروحي .


من منتدى الورد

ساهر

يحليلك بعد 6 سنين يقولون هالشكل؟

زين نعمة كبيرة.

الله يخلف على امهاتنا اللي من اول ست ساعات الى ستين سنة وهي ما تسمع غير هالعبارات، واخشن

تخبر عندنا شيبان اللهم يا كافي !!! حشا جنرالات عسكر ماهم اولياء امور بيوت.
بل بعضهم حتى باسمها ما يناديها، واذا اضطر يناديها ناداها (هـيــش، او ولـجّ)

أخوي / ساهر
تسلم أم جابتك
يسلم أبو رباك

بس أنا منقهر علي شي واحد شلون المربد سبقني و عقب على مقالك قبلي لكن المره الثانيه حبيبي ساهر أخبرني برساله أو جوال بأنك ستنزل مقال حتى أتزهب و أكتب قبله بس لا تقوله أن قلت لك ما أبيه يدري أنا عارف نفسي أذكى منه وايد..وايد.

تسلم على الطيبات الي تنثره مثل الورود.

اخوك/طلحه

طلحه وينا فيه ( رالي البحرين ) خف على المربد تراه مايستاهل

الله ينصرك اخوي ساهر !!!


هذا كله من الحرّة ، شفت شلون اخوك مظلوم ؟؟
حاسديني على شبابي ، اصغر منهم بواجد وكلمن يغار مني بعد فيه اثنين ما كشفتهم لك انا ابي اسكت وربي يكشفهم مثل ما كشف طلحة مزلـّـق الوايرات.

ما شاء عليك ، شجرة مثمرة من العطاء والتواجد
ومثل هذه المقالات والمشاركات ، تُعتبر دعوة لتجديد نبضات القلب ، وماكنة مضخات للهواء النقي في رئتا الحياة ..

فأعتقد والله أعلم أنه ، كل منا بحاجة لوقفة مع هذه الستات ، كي يرى نفسه أين موقعه من الإعراب ..

أخي ساهر .. تقبل شكري وأحترامي لك ..

Dear Saher00

مين اللي يتكلم شوماخر راعي رايلي شتوتغارت و ألا لاس فيغاس .
يبه هذه من كثر حبي للمبرد أسف للمربد (شالقضيه عندنا لحوم المنجم )و عشمي فيه يتقبل القشمره وألا ما دانيته نوبه الله شاهد على ذلك.
أخوي ساهر لي نصيحة طيبه لك ترى المربد و الا ماني متكلم خاف أصير فتيني .
بعدين الآيام تكشف لك منهو المربد و منهو طلحه بس تبي الحقيقة وألا أختها فتش عنها تلقاها عند راعيها .
أقول من هي اللي راح تدور عنها تراني نسيت.

أخوك/ط ل ح ه

ما يـبـرّد حـــــار ، فـشــــقة وانطلقت يا طلحة والرجال بدى يعرف من اللي يعيل على الثاني ،
خلاص شربت مروقها ، الحين هو قاعد يدور عن العواذل الثانين...؟؟

شعليه المربد قام حظك ... من أفضل الكتاب قام يمدح فيك شتبي بعد ... بس شوي شوي على أخيي طلحة ترى ما يستاهل ...

اشكرك أخي ساهر على هذه الستات ... لكني لا أؤيد أخيي المربد ... أصابعك مو سوا ... يعني هل معقولة كل الأباء والأجداد أسلوبهم مثل ما قلت ... من وجهة نظري لا أعتقد ... ومن الأفضل أن يقوم الأخ ساهر بدراسة وافية وكافية عن هذا الموضوع في وسط مجتمعنا ... حتى نستطيع أن نصل إلى نتيجة نهائية يستفاد منها الجميع ...

رأس البر الموضوع عجبني الوضع الحالي يتكلم عنه وليس عن الأيام التى عاشوا فيها آبائنا وأمهاتنا

ساهر