الخلال المطبوخ هو بسر النخل قبل ما يرطـّـب، ويصلح من انواع معينه واهمها البريم بسبب قساوة بسرته قبل ان ترطب فيطبخونه مع ماء ودبس او ماء وسكر ثم يجـفـفونه ويبقى مقاوم لمدة طويلة.
واذا جف ارسلو منه للجيران طعمه من كل بيت صحن.
ويحلو اكل الخلال المطبوخ مع اكل الجراد،
ويصلح وجبة (سناك) للاولاد، كانوا الاولاد قبل ما يروحون للمدرسة الا يعبون جـيـوبـهـم خلال مطبوخ ياخذونه معهم للمدرسة.
تسلم يا الحبيب
موضوع حلو و يصلح نحطه بالسحارة ويا ربعه.
أنا أقول وين غاط هالمده أثاري القضية فيها " أناح" عيل زهبت الجدوره الكبيره مع السعف و الدبس الأسود و الدخنه تثعور من السعف اللي حدر الجدوره .
أيه الخلال المطبوخ ريحته خنينه و يصلح أيام البرد القارص لأن لا يوجد رطب في هذا الموسم و تسمع التقروط من حدر البطانيات في الليل و الضروس صايره مكاين بس تطحن بهذا الخلال لمن يخلص يطقك النعاس و تخمد و البطن مدلكم و متفوخ أما في النهار فمخابينا متروسه نمشى و نهرش مثل الرحاة لمن ما تفضى المخابي و بعض الأحيان نلهمه مع الفصم من كثر لذته و يعوضنا عن أنواع الحلويات اللي نسمع بها و نشوفها لكنها محرمه على المعدة و السبب تعروفنه .
أخوكم / طلحه
موضوع شيق !!
وهل الناس لحد الان يعملون خلال مطبوخ ؟
ولكن ..
أنا أخاف مستر حبمبوك جمري يزعل علينا ، لأنك ما ذكرت له طاري !!
يا ليت تمر علي شويه وتطق باب الذكريات عليه ..
طلحة الله يهديك ما عندنا جراد علشان نزهب الجدورة الكبار، حنا يجينا الخلال المطبوخ من الجنوبات.
القلم الغالي الحبمبوك نشكه بخيط ونسويه قلادة للبنات.
والجـّمري نوديه علف للحيوانات.
واذا تبي خلال مطبوخ الحين تلقاه عند اسواق طلحة . وبالعافية.